Milli Yol Azadlıq, Reifah, İstiqlaliyyətdədir,استقلالییت

گونئی آزربایجان میللی یول تشکیلاتینین ( میللی یول) مرکزی کومیته سینین سس بیرلیگی ایله فعالیت لرینی دوردورما قراری آلدی!.
۱۴.۰۱.۱۴۰۰

۰۳.۰۴.۲۰۲۱

 

آزربایجان میللتینین تاریخینده یاددا قالان ان شرفلی گونلردن بیری هئچ شبهه سیز 31 دکابر دونیا آزربایجانلیلارین گونو دور.
آزربایجان اوز تاریخی بویو شرفله ، غیرت ایله یاشامیش ، تاریخینده ظلمه باش ائمه میش ، آزادلیق و عدالت اوچون ساواشمیش ، باشقا میللت لره حرمت ایله باخیب ، کیمسه نی تحقیر ائتمه میش و اؤز توپراقلاریندا یاشایان میللت لرین کیملیک ، دیل و دینلرینه سایغی ایله یاناشان اولموش.اما نه یازیق کی دوشمنلریمیز و اؤزللیک ایله روسیه 1813گولوستان و 1828تورکمنچای مقاویله لر ایله آزربایجانیمیزی پارام – پارچا ائدیب قوزئی ئی اؤزلری تالان ائدیب و گونئی ده سیستم دئیشمه سی ایله پهلوی سلاله سینین الی ایله محو ائتمه یه چالیشمیشلار. و نه یازیق کی بو اسارت و اشغال گونئی ده حالا دوام ائتدیرمک ده دیر.
1989 جی ایلده سوییت لر بیرلیگینین!!؟ چوکمه عرفه سینده ایللر بویو یادلارین الی ایله آیری قالان میللتیمیز حسرت چائی اولان آرازین اوتای بو تاینا توپلانیب دمیر مفتیل لری اودا چه کیب بیرلیک ایستک لرینی دیله گه تیردیلر.
1991 جی ایلین 16 دکابریندا نخجوانین مجلیسینده دونیا آزربایجانلی لارینین و اؤزللیک ایله ایکی یه آیریلان وطنین بیرلشمه سینی دوشونه ره ک 31دکابری دونیا آزربایجانلیلارین هم رای لیک گونو اعلان ائتدی. و سونرا آزربایجان دولتی طرفیندن قبول گورونه ره ک میللی بیر گون اولاراق رسمیت تاپدی.
امید ائدیریک گونئی آزربایجانین چوخ یاخیندا اؤز مقددراتینی اؤز الینه آلماق ایله نهایت میللتیمیزین آرزو و ایسته یی گرچک له شیب و حسرت چائی و اونون اوستونده کی حسرت کؤپرولر بیرلشمه میزین سیمگه لری اولاراق تاریخه کئچه ر.

  میللی یول تشکیلاتی

  یاشاسین آزربایجان !

  وار اولسون واحید و مستقیل آزربایجان!
 

30.12.2020

ایلک اولاراق آذربایجان میللتی آدیندان آلمان میللتی نین و ایکی آلمانین بیرلشمه سی نین ۳۰ ایللی یینی سیزلره تبریک دئییریک . بئله بیر گونو اوز میللتیمیز اوچونده آرزولاییریق،چونکی آذربایجانین تاریخی آلمان میللتی نین تاریخی ایله اوست _ اوسته دوشور. بیزیم آذربایجان آدلی وطنیمیزده اورسیت و ایران طرفیندن اینگیلیسلرین پلانلاری اساسیندا ایکی ییئره بولونموشدور. روسلارین پایینا دوشن قوزئی حیصه سینده آذربایجان توپراقلاری اوستونده«قوندارما ائرمنیستان» دولتی نی یاراتمیشلار . بونا علاوه اولاراق آذربایجانین بیرحیصه سینی گورجوستانا باشقا بیر حیصه سینده داغیستانا وئرمیشلر. ۷۰ ایلدن سونرا قوزئی آذربایجان تیکرار اوز مستقیللی یینه قووشدوقدا مسکووا بونو تحمول ائده بیلمه ییب، گورجوستان و اوکرائینادا اولدوغو کیمی ، ائرمنیلرین آدی ایله آذربایحان اراضیلرینی ایشغال ائدیب، قتل عاملارا ال آتیب ، بیر میلیون اینسانین قاچقین و دیده رگین دوشمه سینه سبب اولموشلار. ۳۰ ایللیک ایشغالدان سونرا ، حاقلی اولاراق اولکه میزی یادلارین ایشغالیندان قورتاریب، بیر میلیوندان چوخ ، قاچقین و دیده رگین لرین اوز دوغما یوردلارینا قایینمالارینی ساغلاماق اوچون باشلانان بو ایسته نیلمه ین ساواشدا ۹۲ – نجی ایللرده اولدوغو کیمی، روسلار تیکرار ائرمنیلرین یانیندا یئر آلماقدادیرلار. ائله جه ده تئروریست تهران رئژیمیده روسلارلا بیرلیکده ائرمنیلره هر جهتلی یاردیم ائتمکله یاناشی، عراق و سورییه دن پ .ک.ک تئرورچولارینی قاراباغا گتیرمیشلر بو تئرورچولاردا ائرمنی و روسلارلا بیرکه آذربایجانا قارشی ساواشدا ایشتیراک ائدیرلر. روسلار ائرمنیلره وئره جه یی سیلاحلاری ایراندا خزه ر دئنیرینده اولان انزه لی بنده رینه گونده ریب، اورادان گونئی آذربایجان اراصیلری اوستوندن بو سیلاح ساواش سوروساتی ایله یاناشی یاناجاق ایروانا آپاریرلار.
آذربایجانین گونئی حیصه سینه گلدیکده بو اراضی مقصد یونلو اولاراق ۱۳ حیصه یه بولونموش ، اراضی سینه فارسلار و کوردلر یئرلشدیریلیر، کولتور مدنیتی یوخ ائدیلمکده ، ۱۰۰ ایلدیرکی، اوز دوغما آنادیلی ده یاساقلانمیشدیر. ۳۵ میلیونلوق بیر خالق اوز آنا وطنینده مستعمره حیاتی کئچیرمکده دیر.میللتیمیز زورلا فارسلاشدیریلماغا چالیشیلیر. اوزلرینی دئموکرات سایان اولکه لر ایسه، بو مسله دن یان کئچیرلر. آنجاق اوز مادی ، سیاسی و ایستیراتئژیک چیخارلارینی دوشونورلر. شاه و خمینی کیمی دیکتاتور جانیلری حاکمیته گتیریب،ایران آدلانان میللتلر دوسداغینی قوروماغا چالیشیرلار. حتا اورادا اولان خبرلری وئرمکدن بئله امنتا ائدیرلرحاقلی اولاراق میللتیمیز شرقی آلماندا اولدوغو کیمی ، تهران رئژیمی نین اسارتینده یاشاماق ایسته میر.

آلماندا اولدوغو کیمی بیرلشیب بیر بایراق آلتیندا یاشاماق ایسته ییر . کئچن جومه آآخشامی (۲۰۲۰.۱۰.۰۱)گونئی آذربایجانین شهرلرینده قاراباغی(آلمان دیلینده شیوارچ والد ) آزاد ائدیلمه سینی حمایت ، و تهران رئژیمی نین ائرمنی جانیلرینه یاردیمینی قیناماق اوچون کئچیریله ن یورویوشلرین قارشی سینی آلماغا چالیشمالاری ایله بیرگه بیر چوخ ساییدا آذربایجانلی نی توتوقلامالاری نین شاهیدی اولدوق . تاسوفله غرب آژئنت لیکلری و اوزلرینی سوزده دئموکرات آدلاندیران غرب اولکه لری آذربایجانین حاقلی داواسینی حمایت ائتمک یئرینه، ایروان، تئهران و مسکووانین یانیتدا یئر آلدیلار! نئجه دییه رلر مسیحی ائرمنیلرین ایشغالینی و توره تدیکلری جینایتلری منیمسه دیلر . بو دئموکراتلاردان سوروشماق لازیمدیرکی، خاچ ساواشلاری بوگون باشقا بیر شکیلده می دوام ائتمکده دیر؟ خصوصیله بیزیم میللتیمیز آلمان میللتی ایله عین طالعی یاشادیغینی نظره آلاراق روس ، تهران و مسکووا آلیانیسی قارشی سیندا کسین موقع توتماسینی دوشونوردوک ائرمنی لوبی سی نین اوینجاغینا چئوریلمیش فرانسا پرئزیدئنتی نین یانیندا یئر آلاجاغینی دوشونموردوک .
ایشغال اولونموش اراضی نین آزاد ائدیلمه سی، اوزون وعده لی اولاراق آذربایجانین تیکرار آلمان کیمی بیرلشمه سی ۵۰ میلیونلوق نفوسا مالیک اولان آذربایجان، ایقتیصادی، ایستیراتئژیک و یئر آلتی ثرونلری باخیمیندان منطقه ده یوبوک رول اوینایا بیله ر. منطقه ده ثبات و امنیت ین یارانماسیندا، اقتصادی گلیشمه سینده موهوم رول اویناییب عهده لیک لر اوزه رینه گوتوره بیله ر.

واحید مستقیل آذربایجان جبهه سی
گونئی آذربایجان میللی یول تشکیلاتی

گونئی آزربایجان تورک میللتی!

آزربایجان اولادلاری بو گون ، بیر داها گوستردیلر کی سوزده یوخ عملده اولو بابکین عسگرلری کیم لردی!
قوزئی ده قهرمان اردوموز، ایشغالچی – تروریست ائرمنیلره هجوم ائده یب، توپراقلاریمیزین آزاد اولونماسینی مژده لرکن، گونئی ده شانلی اردو و دوغما باجی- قارداشلاریمیزین قورتولوش حرکاتینا دستک وئرمک اوچون ، بو گون گونئی آزربایجانین بوتون شهرلرینده چوخ سایدا سویداشیمیز توپلاندیلار.
وئریلن شعارلار چوخ آنلاملی ایدی، «قره باغ بیزیمدی – بیزیم اولاجاق» «تبریز باکی، آنکارا بیزهارا فارسلارهارا» و «روس ، فارس ، ارمنی، آزربایجان دوشمنی» حرکتین استراتژیک باخیشینی بیرداها اورتایا قویموش اولدی!
میللی حرکت بو تاریخی گونده ،دوست و دوشمنلره گؤستردی کی ، سؤز وطن ومیللی منافع اولورسا، نه ایدئولوژیک و نه سیاسی اختلافلار بیزیم بیر اولوب، یومروق اولوب دوشمنه قارشی تک اورک اولمامیزا مانع دئیل دیر.
اینانیریق کی هر بیر آزربایجان تورکونون آرزو و ایسته یی مستقیل ، دئموکراتیک واحید آزربایجانین یارانماسی دیر.
یاشاسین آزربایجان !
عشق اولسون بو بیرلییی یاشادان ایگیدلره!

گونئی آزربایجان میللی یول تشکیلاتی «میللی یول»
مرکزکومیته سی
10/07/1399 – 01/10/2020

گونئی آزربایجان تورک میللتی!

ایشغال اولونموش توپراقلاریمیزین آزادلیقی اوچون جددی و اؤنملی تاریخی فرصت یارانمیش وبوتون تورک دوشمانلاری بو فرصتی الیمیزدن آلماق اوچون متحد و البیر اولوبلار.
میللتیمیزین آچیق آیدین ایشغالا قارشی اعتراض اولاراق میدانلارا آغنایب و آخماسی و ظفر آرزو و طلبلرین بیان اتمگینین تام زمانی دیر.
بو گون گونئی آزربایجان تورک میللتینه ، بوتون شهر و قصبه لرده اعتراضلارا قاتیلماسی میللی وظیفه سایلیر.
«میللی یول تشکیلاتی» ، میللتیمیزین مطلق و تمام کسیملرین ، بیرلیک روحو آلتیندا ، اعتراض ایلملری اوچون میدانلارا چاغیریر و تمام شخصلر ، شخصیت لر ، پارتی و تشکیلاتلاری بو قونودا ایش بیرلیگه دعوت الییر.
اونورلو ساواش ، اونورلو ظفر نصیب اولسون.
هر یئرده، هر زامان ، حمایت و اعتراض آکسیالارینا قاتیلماق میللتیمیزین میللی جان بورجودور .
یاشاسین تورک میللتی، ظفر قازانجیمیز اولسون.

گونئی آزربایجان میللی یول تشکیلاتی «میللی یول»
مرکزکومیته سی
09/07/1399 – 30/09/2020

آزربايجان تورک ميللتی!

بیر میللتی آرادان آپارماقین ان قولای یولی او میللتین دیلینی الیندن آلماق ایله ممکون دور، نیه کی ديل ميللتين سيماسينی سیجيللنديرن عاميللردن بيری سی، بلکه ده بيرينجيسيدير.
دیل بیر میللتین وارليغينين تظاهورو، اونون ميللی ثروتی، منليگی، معنوياتی و مدنيتی دیر. بو قناعت تاريخين بوتون دورلرينده قئيدسیز-شرطسيز قبول گورونن و ثوبوتا احتيياج دويولمايان بیر قونودور!.
بو گون مصر اؤلکه اولاراق وار اولسادا، اونون ایچینده کی میللت، عرب دیلین قبول ائتدیگی اوچون آرتیق ساده جه تاریخ کیتابلارینین ایچینده یاشایب و رئال حیاتدا بیتمیشدیر، اما آسوری لرایسه اؤلکه لری اولمادیغی حالدا دیل و میللی وارلیقلارین قورودوقلاری اوچون بیر میللت اولاراق یاشاماقدادیرلار!
بو گون دونیادا چوخ سایدا ائتنيک قروپ یاشایب ، ایکی یوزه یاخین دولت ده بیرلشمیش میللت لرین عضوو اولسادا نه یازیق کی ساده جه ۷۰ یاخین میلت واردیرکی دیللری دولت دیلی اولموشدور.« بو بیر آجی گئرچک دیر کی ، بیر میللتی، میللت اولاراق تانینماسی اوچون او دیلین دولت ديلی استاتوسونا يوکسلمه‌سی لازیمدیر» .
آزربایجان تورک میللتی امپریال اؤلکه لرین ایش بیرلیغی ایله پارچالانیب و یاد اؤلکه لرین مستعمره سینه چئویریلسه ده ، غیرتلی میللتیمیزین مبارزه سی نتیجه سینده ،بو گون آنا وطنیمیزین قوزئی حیصه سی، اؤز مستقیللیینه چاتاراق آنا دیلیمیزی دولت دیلی استاتوسونا چاتیریب ، بایراغیمیزی بیرلشمیش میللت لر بیناسیندا دالغالاندیردیغی اوچون، چیرکین پروژه چوکموش و چوخ یاخیندا گونئی حیصه سی ده اؤز مستقیللیین الده ائتمک ایله مکتب لریمیزده اوشاقلاریمیز، اوز دوغما دیللرینده تحصیل آلاجاقلار.
بیر عصره یاخیندیرکی ایرقچی- ایشغالچی سیستم، گونئی آذربايجاندا دوغما دیلیمیزی ياساقلایب و هر ایل بیر مهرده اوشاقلاریمزی آسیمیله مرکزلری اولان سوزده مکتب لره گؤنده ره ره ک غیر انسانی سیاستینی قاباغا آپارماقدادیر.
گونئی آزربایجان میللی حرکتی ایللردی بوتون ایمکانلاری ایله بو چیرکین سیاسته قارشی مجادیله وئریر و هر بیر آزادلیق سئوه ر انسانی بو کولتورل قتل عاما قارشی ديرنمه یه دعوت ائدیر.
گونئی آزربایجان میللی یول تشکیلاتی «میللی یول» قورتولوش مجادیله سینه یاردیم و حرکتین موکممیلی اولاراق دوشونورکی :
۱- رئژیمه یالوار یاخار ائتمه دن و رئژیمین یانداشلاری نین گونلوک اویوننارینا گلمه دن ، ایش آداملاری و خیر سئوه ر وطن داشلاریمیز، لازیم دیر کی دولت دن هئچ بیر یاردیم گؤزله مه دن مستقیل شکیلده آنا دیلیمیزی دوزگون و علمی اؤره نمه سی اوچون اؤزل دیل کلاس لاری آچیلماسینا مادی و معنوی شکیلده یاردیمجی اولسونلار!

۲- بو دیل کلاسلارینداکی باشاریلی اؤرنجیلره، باشقا اوشاقلاریمیزی دا اؤز دیللرینی اؤرنمک اوچون تشویق آماجلی ،بورسلار و یا هدیه لر وئرمک ایله ، آنا دیلیمیزی اؤره نمه یی تشویق ائتسینلر!
۳-آنا دیلده یازان یازارلاریمیزا دستک اوچون، فوند یاراداراق یازار و اؤزدیلیمیزه چئویری یاپان شخص لردن حمایت اولونسون!
۴-تورک دیلینده کیتاب آلیب و هدیه وئرمک ، بیر ایچ و اویوملو عادته چئویریلسین!
۵- اینترنت و مجازی دونیادا دیل قوراللارینا اویغون کلاس لار آچیلسین!
۶- کولتورل و دیل قونوسونداکی فعالیت لرُ سیاسته رئکلام و تبلیغ آماجلی یوخ ، بلکه سیاسته آلت یاپی حاضیرلاماق هدفی ایله اله آلینسین!

گونئی آزربایجان میللی یول تشکیلاتی «میللی یول»
مرکزکومیته سی
۰۱.۰۷.۱۳۹۹
www.milliyol.org

«تورک» توپراقلاریندا، «کورد» اساسلی پولیتیکالارین گئرچه یی ندیر؟

گیریش
اونوموزده کی گونلرده عراقدا کورد بولکه سی سایلان یئرین مسئولو اولان (جناب بارزانی) نین ایسته یینه گوره مستقیل لیک اوغروندا سوزده عموم خالق سوروغوسو (رئفراندوم) آپاریلماغانیا حاضیرلیق ایشلری آپاریلیر. بو اولقونو (حادیثه نی )دوزگون گوتور ـ قوی ائدیب ، اینجه لمک (آنالیز ائتمک) اوچون ایلک باشدا کورد تاریخینی ، چئشیدلی دووره لرده اونلارا یازیلان سئناریولاری، گوزده ن کئچیریب، سئناریو ایجراچیلارین، کیملر اولدوغونو اله آلیب، اونلارین آرخاسینداکی گوجلری و بو گوجلرین اوزون وقیسا وعده لی سیاسی، نیظامی و ایقتیصادی،استراتژیک چیخارلاری آراشدیریلمالیدیر.

بورادا بونو خاطیرلاتماق ایستردیک کی بیز حقیقی اولاراق هئچ بیر میللتین اوز مقدراتینی اوزونون تعین ائدیب، یادلارین اسارتینده ن قورتولماسینا قارشی دئییلیک ، آمما بئله بیرمرحله ده اوزگه میللتلرین حاقلارینا تجاووز ائدیلمه مه لی و اونلارین اراضیلرینه حورمتله یاناشیلمالیدیر.اوز خالقینین و قونشولاری نین رفاه و امنییت ایچینده یاشامالاری اون پیلانا آلینمالیدیر.

اينسان، ياشاديغی مدتجه، آنجاق اوز ياشاديغی حیات بویونجا باش وئره ن (اولقولارین ) حاديثه لرين شاهیدی اولا بيلر! و کئچميشده، ياشامادیغی اوچون او دوورون حادیثه لرینی

یازیلاردان و او دوورو یاشامیشلاردان اویره نمک مومکوندور. تاریخی اولوشوملاری داها دوزگون (تدقیق ائدیب )اینجه له ییب ، آراشدیریب و ايشيقلاندیرماق اوچون تاريخ، ائتيمولوگييا، آرخئولوگييا، ائتنولوژی کيمی قایناقلارا موراجیعت ائدیلمه لیدیر. کئچميشدن قالان سندلر، آرخئولوژیک تاپینتیلا، ال و آرخیولوژیک یازیلار بو تدقیق ایشینده یاردیمجی اولا بیلیرلر. دیلچیلیک بیلیمی ، فولکلور و کولتوره ل قایناقلارا سؤيکنه ره ک کئچميش تاریخی حاديثه لره ایشیقلیق گتیریله بیله ر. بوتون بونلاردان الده ائدیله ن بیلگیلر و یوروملامالار (شرحلر ) قاچينيلماز اولاراق معين بير سوبيئکتيوليگی ده احتيوا ائدر. «بو او آراشدیریجیدان آسیلی دیر.»

آما طبيعیدیر کی، سوبيئکتيوليگين ده بير اؤلچوسو اولماليدير. شریف خان چیزیرلی آدلی بیر پان کورد چوخ گوزل اوز قورودوقلاری اویونو بئله جه سینه ایشیقلاندیریرکی : «…،کوردلرين تاريخی ايله علاقه دار بوآن دئييله‌جک شئيلر چوخ محدوددور. آما بونا باخماياراق بؤلگه‌نين تاريخی ايله علاقه داراهميتلی آراشدیرمالارموجودور. بو آراشدیرمالارین نتیجه لرینی توپلاییب اونلاردان بیر خیالی نتیجه چیخاریلماسیندا ، ان اهمییلی رولو موجود تاریخی سندلر یوخ !!!، عکسینه تاریخی آنلاییشلار و نظرییه لر اوینایاجاقدیر….”

علم ده ن اوزاق تاریخی آراشدیرمالارداکی بوشلوقلاردان یارالانیب، واقعیتلری جعل ائدیب،۲۱ نجی یوز ایلینده قوندارما و یالانچی تاریخ یازماغی اوزلرینه دوکان ائده ن پان کوردیزم، پان فارسیسم لر اوز فاناتیک گوروشلرینه و جینایتلرینه براعت قازاندیرماغا چالیشیرلار. اونلارین بو گولونج حرکتلری ، اونلارین چاغداش دونیادان نه قده ر اوزاقدا قالدیقلاری نین گوسترکه سیدیر.

آشاغیدا بیرنئچه قیسا فاکتا ایشاره ائدیریک:

۱ـ بوتان احمدی پان کورد تئوریسین یازیر: «کوردلرين منشايی اسکی چاغا دایانیر و گوتيلر، لولوبیلار، کاسی لر، اورارتولار، مادلار، و…. بير کورد دؤولتلريميشلر!!!.»
۲- جمشيد بندری : “کورد تاريخ و مدنییت ” آدلی کيتابيندا، بنزر بير شکیلده ، گوتیلری، کاسسيلری، مادلاری، هورريلری، اورارتولاری و…. کوردلرين آتالاری اولاراق گؤسترميشدیر.!!
۳- محمد امين عاغيللی ده … سومئر، سوبار، آسور، گوتی، لولوبی، کاسی ميته‌نی، نايری، موشکی، شئيی، ماننا، اورارتو، جيرتيی، ماد، فارس، و… کورد ایمیشلر کیمی گوسته ییر!!!
۴- و…

البته یئنی نسیل کوردلر، علمین ایلرله مه سی و چوخلی میللتلرین دیل و کوکلرینین بللی اولماسی ایله بیرآز گئری آدیم آتاراق : سومئرلری، آسوری لری، ساکالاری (يسکيت)،و حتی فارسلاری اوز لیستلریندن چيخارميشلار!!؟؟؟.
زیرا یئنی علمی قایناقلارا گوره ، سومئرلرین تورک منشالی اولدوقلارينا داير چوخ سايدا قطعي و دقيق دليللرواردیر! تورک دوشمانچیلیغی ذهنییتی و آریاچیلیق خومیالاری یازیلان بو کیمی اثرلر علمده ن اوزاق اولوب، اوزونو و میللتینی آلداتماغا خیدمت ائدیر.
آسوری لر ایسه یئنه علمی و دیلچیلیک آراشدیرمالارا گوره هند – اوروپالی اولمادیقلاری اثبات ائدیلمیشدیر ، بونلارا علاوه حالا او میللته منصوب یوزمینلرجه اینسان یاشاماقدادیر و کوردلر ایله هئچ بیر باغلاری اولمادیقلاری اورتادادیر!!

فارسلارین دا اوزامان مستقیل و داها اسکی و کوکلی میللت اولمالاری سوال آلتینا آلینیر؟ اونلارین ساکا – ايسکيت سويونا باغلانمالاری ایمکانسزدیر چونکی سومئرلرده اولدوغو کیمی بو میللتلرینده اتصاقی دیللی اولدوقلاری معلومدور. بئله لیک ایله تئوریلری سویا باتار!

پان کوردیزمی یارادان تئوریسینلریندن بیری اولان «مینورسکی» ایسه کوردلرين منشايينی ایلک اولاراق ماد – ايسکيت آدلاندیریب، داها سونرا يالنيز ايسکيت اولدوقلارینی آچيقلامیشدیر. ايسکيت لرین ده بیر فارس قومو اولدوقلارینی گؤسترمیشدیر لاکين بو گون ايسکيت لرينده تورک طايفالارينین ايچينده اولدوقلاری، یعنی بير کونفدراسيون اولدوقلاری شکلينده ايره‌لی سورولن تئز ایسه داها بير آغيرليق قازانميش وضعيتده‌دير!؟

بو پیلانی قاباغا آپاران قوه لر ایسه سون چاره نی کوردلرین بولگه ده یاشایان اسکی میللتلرین قاریشیمی (سئنتزی) اولدوغو تئوریسی نی اورتایا آتماق اولموش!

بیزه گوره بو تئوری نین اورتایا آتیلماسی نین اوزوده مقصدلیدیر. یعنی اسکی میللتلرین مدنییت ینده ن کوردلره بیر پای وئرمک مقصدی گورولور. بیزه گوره کوردلرده فارسلار کیمی، هیند قاره سینده ن کوچن چئشیدلی کورد طایفالاری اولوبلار. بو بولگه نین داغلاریندا ایسکانلاشیبلار. عکسینه منطقه ده اولان مدنییت یارادان میللتلره قاریشمامیشلار. اونلار حتا اوز آرالاریندا دا بیر ـ بیرلری ایله موناسیبتده قورمامیشلار. بیر کورد طایفاسی نین اوبیری طایفانین دیلینی آنلاماماسی بو حقیقتین آچیق گوسترگه سیدیر.

شریف خان جزیری بو موضوع حاقيندا بونلاری سؤيله‌يير؛ «کوردلر هر ايستيقامتده بير قاریشیم ديرلار. بولگه‌ده ياشاميش و مدنییت قورموش خالقلار ايله هيند- آوروپالی بويلارين بيرلشمه‌سيندن تشکول ائدن کوردلر، هر ايکی آنا کوکون ايزلرينی داشییرلار!.»

علیرضا اوزده میر آراشديرماسيندا بئله یازیر: « کوهنه قايناقلاردا کورد سوزونو تاپماق، سيبيريا مئشه‌لرينده‌ و اورالارداکی قبيله‌لر حاقيندا معلومات تاپماقدان داها چتيندير!… کوردلرين اوز قايناقلاری ايسه قيساجا ، يوخدور. اوسته ليک کوردلرين ياشاديغی بولگه، اسکی چاغدان گونوموزه قده ر ان چوخ يازينين قالديغی، موختليف ديللردن ميليونلارلا سندین تاپيلديغی بير بولگه‌دير. آسور و سوریانی مدنيتلری کوردلرله عينی بولگه‌نی پايلاشماقدادير. ميليونلارلا سند ايچينده بير دفعه ده اولسون کوردلردن بحث ائدیلمه‌سی گوزه ده یمیر .عین زاماندا مصر، آنادولو، ايران( آدلانان ) مدنيتلرينده ده بونو گورمک مومکون دئییلدیر.بیر صورتده کی، بونلارين آدی کئچمه‌لی ايدی، ان آزی يونان و روم قايناقلاريندا کوردلردن آد آپارماسی لازيم ايدی. هئردوتون اولومسوز اثرينده، يا دا اورتا آسیا ايچريسينده‌ کی شهرلردن و قبيله‌لردن آد چه کن پتولئمايوس یاخود استرابونون اثرلرينده آدلاری گتیریلمه ليدی. هئچ اولمازسا، اورتا عصرلرين باشلاريندا يازيليب گونوموزه چاتان بويوک حجملی ائرمنی و گورجو اثرلرینده اونلارین آدلاری وار اولمالی ايدی…» آما هئچ بير چاغدا و تاريخی سندده «کورد» آدينا راست گلينه بيلمير!!!
آراشديرماجی عمر اؤزو ييلماز دا بو موضوع دا قیساجا بونلاری سويله‌يير: «مسیحی لرین ايلک ياييلديغی يئرلر آسیادیر. بير چوخ خالق (روملار، ائرمنيلر، سوریانیلر، کلدانیلر، عربلر و….) مسیحی لیکله موناسيبت قورارکن، مسیحی ميسيونئرلرين کوردلرله قارشيلاشماماسی و هئچ بير مسیحی قايناغيندا کوردلردن بحث ائديلمه‌مه‌سی،

اونلارين ۳نجی و ۴نجی یوز ایللرده (عصرلرده) بئله اورتا شرقده اولماديقلاری نین ان اهميتلی گوستريجيسيدير.»

بوگون یاراتماغا چالیشان اسکی کورد مدنییتی نین تعجوب دوغوران طرفی بودورکی، اونون بیر ملت اولاراق نه تاریخی معماریسی ، نه تاریخده بیر آدی، نه بیر یازیسی، ونه ده دولتی اولموشدور!!!؟؟؟

البته بو بوشلوغو دولدورماق اوچون ۱۰۰ ایله یاخیندیرکی، چیخارجی دولتلرین سفارشی ایله یالان یازان و معرکه بازلیقلا (اورتا قیزدیران ) مشغول اولان سوزده آراشدیرماجی یازارلارا مسئولیت وئریلمیشدیر. !!! و ساحه ده کورد سیلاحلی قوه لری اربابلارینین یاشیل ایشیق ایله منطقه ده یالانچی بوحرانلار یاراداراق، سیلاح گوجونه دایانیب ، اوز جنایتکار قوه لری واسیطه سیله هده ـ قورخو یارادیب، قتل عاملار ائدیب ، آدیم آدیم بولگه ساکینلرینی اوز دوغما یورد ـ یوواسیندان قووب، سوی قیریملارینا ال آتیب و اراضی قازانماغا چالیشیرلار! خیالی بویوک کوردوستان یاراتماق ایسته ییرلر. بو ایشده باتی عسگری و ساواش پیسکولوژی متخصیص لری اونلارین یانیندا اولوب، موفته سیلاحلارلادا اونلاری سیلاحلاندیریب و مدیا واسیطه سی ایله چیرکین عمللرینه مشروعیت قازاندیریرلار.

آشاغیدا قیسا جا بوسیلاحلی قوه لرین یارانیشنی و کیملرین حمایسی آلتیندا اولدوقلارینی گوزده ن کئچیرمک ایستردیک:

کورد سیلاحلی قوه لرینین یارانیشی!
بازرانی جریاتی (حزب دئموکرات کردستان)
بارزانی عشیره سی ، پروشین، مزوری، هِرکیان، شیروان و بَرادوست طایفالارینی یانینا آلاراق اوز گوجونو و بولگه سینی گئنیشلندیردی. و خارجی گوجلرین یاردیمی ایله عراقین قوزئی بولگه سینین چوخونو اوز کنترول آلتینا آلدی. بو گوچلنمه و باغلیلیق عثمانلی امپراطورلوغو اوچون خطر ساییلیردی بونون اوچون دواملی اونون والی لری ایله ، بارزانی عشیره سی آراسیندا سورتوشملر باش وئریردی!

ایکینجی شیخ عبدالسلام دوورونده ایلک سیستماتیک سیلاحلی مبارزه باشلادی، عثمانلی دولتی بو عصیانا قارشی اردو گونده ریب، بیر آغیر ساواش نتیجه سینده بارزانی سیلاحلی عصیانچیلار یئنیلدی! آمما اونلار آراسیرا پارتیزانی شکیلده عثمانلی دولتینه قارشی ساواشمایا دوام ائتدیلر!

۱۹۱۸-۱۹۱۴میلادی ده بیرینجی دونیا محاریبه سینده فرصت دن فایدالاناراق انگلیس لرین گوستریشی و ایمکانلاری ایله عصیانا قالخدیلار و عثمانلی اوردوسونا عسگر و وئرگی گونده ریلمه سینه انگل اولدولار! بوباش قالدیرما نهایت بارزانی لرین یئنیلگه سی ایله سونوجلانیر و عبدالسلام یاخالانیر و آسیلیر .

عبدالسلامین اولوموندن سونرا عشیره باشینا شیخ احمد گلیر، او خارجی دولتلرین بویوروغو ( فرمانی) ایله نقشبندی طریقتینین حمایه سینیده قازاناراق، بیرینجی دونیا ساواشی( محاریبه سی) ایله داغیلما حالینه گه لن عثمانلی دولتینه میدان اوخوماغا باشلاییر. عثمانلی دولتینین عراق دان چئکیلمه سی ایله اورادا دولت اوتوریته سی بوشلوغو یارانیر. بو بوشلوقدان فایدالانان بارزانی عشیره سی یئنیده ن عصیان ائدیر.

۱۹۳۲ عراق مرکزی دولتی شیخ احمد و بارزان عشیره سینه هجوم انده رک، اونلاری ترکیه سرحدلرینه دوغرو گئری چکیلمه یه مجبور ائدیر. شیخ احمد تورک دولتینه تسلیم اولور،و آنکارا اونو ارض روما تبعید ائدیر!

۱۹۳۳ نجی ایلینده عراق دولتی عمومی عفو اعلان ائده ره ک، شیخ احمد و قارداشلاری عراق دولتینه تسلیم اولورلار.

مولا مصطفی بارزانی دوورو!

۱۹۴۳ نجی ایل عراق حاکمیتی نین غربه قارشی سیاست آپارماسی طبیعی دیر کی اونلارین خوشونا گئده بیلمه زدی . بو سببده ن، بارزانی عشیره سینه یئنی بیر وظیفه وئریلدی!
مولا مصطفی بارزانی اوز یانینا بیر نئجه عشیره نین آغالارینی آلیب، بارزانا دونه ره ک ۵۰ ایله یاخین سوره ن ساواشین پایاسنی قویدی، تاریخچیلرین یازدیقلارینا گوره ایکی ایل سونرا، یعنی (۱۹۴۵) نجی ایلده، عراق مرکزی حوکومتینه قارشی مغلوبییته اوغرادیقدان سونرا اوزو و ۳۵۰۰۰ نفردن اولان عشیره سی گونئی آزربایجانین غرب ایالتلرینه کوچ ائتمه یه مجبور ائدیلیر.

بورادا بئله بیر سوال اورتایا چیخیر . بو سورگون ائدیلمیشلر نه ده ن ایران آدلانان یئرده موجود اولان کوردوستان منطقه سینه کوچمه ییرلر؟ بیر صورتده کی اوز باجی ـ قارداشلاری نین ایچینده داهادا قولای یاشایا بیلیردیلر. طبیعی دیرکی بوردا غربین خصوصیتله اینگیلیسلرین اوزون وعده لی ایستیراتئژیلری و منطقه ده کی پیلانلاری اساس رول اویناماقدادیر. چونکی اینگیلیسلر ده بیر تورک دوشمنچیلی یی وار، اونلارین الی ایله ایران آدلانان یئرده عمدی اولاراق حاکمییت تورکلرده ن آلینیب فارسلارا وئریلدی . عین زاماندا روسلار و اینگیلیسلر آزربایجانلا ، تورکییه آراسیندا بیر کورد دوواری نین یارادیلماسینی اوز سیاسی چیخارلاری و غربین منافعی اوچون اویقون گوروب و گورمکده دیرلر.

بوسیاست هم تورکییه ده همده گونئی آزربایجاندا حیاتا کئچیریلیر. بوگون تورکییه ده کی ایغدیر و قارص ایاللتلری گئت ـ گئده کوردلشدیریلیر. گونئی آزربایجانین غرب ایالتلرینده ده دوروم بللی دیر. ائله بو پیلان اساسینده باریزانی نین ۳۵۰۰۰ نفرلیک عشیره سی سویوق بولاق (مهاباد)، سولدوز (نقده) اوشنو(اشنویه) ده یئرلشدیریلدیکلری حالدا باریزانی جنابلاری اوزو کرج شهرینده یاشاماغی ترجیح ائدیر !

بونودا خاطیرلاتماق یئرینده اولار کی، اینگیلیسلرین کوردلشدیرمه و روسلارین ائرمنی لشدیرمه سیاستی قولدور ریضا دوورونده ن بوگونه قده ر تئهران رئژیملری نینده سیاستی دیر. ایران، عراق ساواش دوورونده و گونده لیک سیاستده ده بیز آزربایجانلیلار بونون شاهیدی اولوروق .

مولا مصطفی باریزانی تئهرانین ریضایتی ایله اوز عشیره سینی آزربایجانا یئرلشدیرمه سی نتیجه سینده قاضی محمد و اونون حرکتی گوجلنمیش اولدو . باشقا سوزله دئسک باریزانی بیر اوخلا ایکی نیشان وورماغا چالیشدی. بو وضعیت آزربایجاندا ده نگه نی( تعادولو) بیر بیرینه ووراراق، میللی دوولتیمیز حضورو ساغلاماق، روسلاری راضی سالماق اوچون اونلارا آذربایجان داخیلینده خود موختارلیق تانیماق زوروندا قالدی! باشقا سوزله دئسک میللی دوولتیمیز و دولت باشچیسی پیشه وه ری تاسوفله بو نوقطه لری نظره آلماق زوروندا قالمیشدیر:

۱- بیر یاندان آزربایجاندا اولان روسلارین ریضایتینی جلب ائتمک و او آندا سورتوشمه لرین قارشی سینی آلماق ایدی . چونکی روسلاردا قاضی محمد و بارزانی حرکتینه مثبت یاناشیردیلار.
۲- تهران حاکمییتی ایله ساواشدا اولدوغونو دوشونوب، کردلری تئهرانا قارشی اوز متحدی گورور، بیرلیکده داها گوجلو اولاجاغینی دوشونوردو.

بو سببده ن اونلارا آزربایجان ایچینده خود موختارلیق وئردی ! آمما اونلار سونرالار او خود موختار بولگه نی میللی دولت اولاراق جمهوری عنوانی ایله آدلاندیردیلار. بئله لیکله تاریخی واقعییتلری دانیب، و تاریخی جعل ائدیب سونرالیقدا اورتایا قویولاجاق بویوک کوردوستان پیلانین بیر پارچاسی کیمی بیر ترکیب حیصه سی کیمی گوسترمه یه چالیشدیلار !

بو اویون اوقده ر آچیق وآیدین دیرکی، آنلاماماق اوچون ساتقین ، یادا جاهیل اولماق گره کیر!

بیر حالده کی ۱۹۴۶نجی ایلده آزربایجاندا ، ایرقچی پهلوی رئژیمی و اونون الی قانلی ایشغالچی اوردوسونون الی ایله قتل عاما ال آتیب، میللی حوکومت منسوبلاری اولدورولوب یاخود سورگونلره گئتمک زوروندا قالمیشدیلار، باریزانی و قوشونو ایران آدلانان دولتیین حمایه سی آلتیندا عراقا قارشی عراق کوردستان دمکرات پارتیسی نی گونئی آزربایجانین گونئی باتی (جنوب غرب) شهرلریندن بیری اولان سویوق بولاق (مهاباد )دا قورور!!!. ائله هامان شهرده ده قاضی محمدی ملی ایستک لری اون پیلانا چکدییی اوچون اوز خیانتکار سیاستلرینه قوربان وئریر !!!!! و (باریزانی ) تئهران رئژیمی نین حمایه سینی قازانیر.

خاریجی گوجلر عبدالكريم قاسم ین شاهلیق دوولتی نی دئویرلمکله حاکیم اولان بوشلوقدان فایدالانیلیب، مولا مصطفی و چئوره سینی عراقا گونده ریب، او اولکه نین نفتیندن پای آلماق اوچون اوندان عراق دوولتینه قارشی بیر باسقی واسیطه سی کیمی یارارلانیلیرلار ( ایستیفاده ائدیلیر).

نهایت ۱۹۶۳ نجی ایلده عبدالسلام عارف ین ایش باشینا گلمه سی ایله مرکزی دولت ایله کوردلر آراسیندا آتش کس آنلاشماسی ایمضالاندی! آمما بو آنلاشمانین کئچرلی یی ایکی آی اولدور، ۵ آی سونرا ایکینجی بیر آنلاشمایا قول چکیلسه ده اربابلارین سفاریشی ایله تیکرار ایکی آی ایچینده بوزولور…!

باریزانی خاریجی گوجلرینین توصیه سی ایله، ۱۹۶۵ نجی ایلده باشقا کورد طایفالاری تصفیه ائده ره ک حزبی ( کوروستان دئموکرات پارتیسی) انحصاری اولاراق الینه کئچیردیر!

باریزانی نین بو تک باشینا لیدرلیک دوورونده ، پهلوی رئژیمی، غربلی گوچلرین فرمانی ایله ، بوتون دولت و اردو ایمکانلارینی بارزانی عشیره سی نین ایختیاریندا قویدو. بئله لیکله خاریجی دوولتلر ۱۹۶۶ نجی ایلینده عراق دولتیندن بویوک نفت امتیازینی آلماغا نائل اولدولار !

خاریجی قدرتلرین دخالتی ایله یاناشی عراقین ایچینده اورتایا چیخان چتین لیکلرین موجود اولماسی، عاریفین اولدورولمه سی ایله دولت اوتوریته سینین بوشلوغوندان فایدالانان باریزانی، یئنی ایش باشینا گه لن صدام حسین ایله ۱۹۷۰ نجی ایلده ۱۵ مادده لیک بیر آنلاشما ایله یئنی امتیازلار آلماغا چالیشدی!

صدامین دوغو بولوکا( شوروی چنبری) یاخین لیق گوسترمه سی، باتیلیلاری(غربلیلری ) قورخوداراق، بیرنئچه آی سونرا باریزانی لری تهرانین حمایه سی آلتیندا یئنه ساواشا گوتوردولر!

غرب ین پهلوی رئژیمی واسیطه سیله عراق دوولتینه قارشی اولان باسقیلار نتیجه سینده عراق دوولتی مجبوری اولاراق ۱۹۷۵ نجی ایلینده الجزیره آنلاشماسینا قول چکدی!

بو آنلاشمایا گوره باریزانی یئنه ایران آدلانان اولکه یه سیغیناراق (کرج شهرینین عظیمیه بولگه سینده) اولان اوز اختصاصی ائوینه یئرله شیر. بوتون ریفاه و امنییت ایچییده اوردا یاشاییر. بارزانیین بو ساتقینلیغی و هر آن ساتیلماغا مئییللی اولماسی ،کوردلر آراسیندا بیرسیاسی ترمینولوژونون یارانماسینادا سبب اولموشدور. (مماشاتچی)!

ایران آدلانان یئرده شاه رئژیمینین ، سوزده ایسلام جمهورییتی ایله ،ده یشمه سینده ن بیر ایل سونرا ۱۹۸۰ (۱۳۵۸ گونش ـ شمسی) بارزانی ، خرچنگ( سرطان ) خسته لیغی نتیجه سینده آمریکادا دونیاسینی ده ییشدی!!
باریزانینین اولومو هر بیر دیکتاتور رئژیملرده اولدغو کیمی، کوردلر آراسیندا دا بیر بوشلوق یارتدی، اونون یئرینی الده ائتمک اوچون رقیب دسته لر آراسیندا دویوشلره سبب اولدی.

۱۹۷۶ نجی ایلین آوریل آییندا جلال طالبانی فرقه دن (حزب ده ن) آریلیب و سورییه نین پایتختی اولان دمشق ده یئنی بیر تشکیلات یاراتدی . بو تزه یارانان تشکیلاتین آدی (کوردوستان یورد سئوه رلر بیرلییی)ایدی. امپریالیست اولکه لرین یئنی بیر تشکیلاتا و چئشیدلییه احتیاجلاری اولدوغوندان طالبانی نی دستکله مه یه (حمایت ائتمه یه) باشلادیلار. بونون نتیجه سینده ، چوخ آز بیر مدت ایچینده کوردوستان یورد سئوه رلر بیرلیی او قده ر گوچلندی کی، اوز مرکزین دمشق دن سلیمانیه یه داشیدی!

بو یئنی تشکیلات اوز گوجونو اساس اولاراق، بارزانی نین اونم وئرمه دیغی سورانی کوردلریندن آلدی! و حالا بو ایکی تیره لیک اربیل و سلیمانیه آراسیندا موجوددور!

باریزانی و طالبانی اوز آرالاریندا گوچ پایلاشیمی و اربابلارین مرکزی حکومتی ایله بعضی آنلاشمالاری الده ائتمک اوچون آراـ سیرا دا بیرـ بیرلری ایله سیلاحلی توققوشمالارادا ال آتیردیلار !

البته ساتقینلیق بارزانی عائله سی آراسیندا بیر خصلت حالینه گلمیشدیر، نمونه اولاراق مولا مصطفی نین بویوک اوغلو عبدالله بارزانی اوز حیاتیندا عائله سیندن آیریلاراق عراق دولتینه سیغینیب ، ناظیزلیق ( وزیر) وظیفه سینی الده ائتمیشدیر!

باشقا اوغولاری ایسه ( صابیر و لقمان ) دا بغدادا تسلیم اولدوقدان سونرا عراق دولتینین یاراتدیغی رفاه دا و فراوانلیق ایچینده حیاتلارینی سوردوردولر!

شیخ عثمان، باریزانی نین قارداشی اوغلو عینی ایمکانلاردان فایدالاناراق عراق دولتینین یانیندا یئر آلدی!

غربین و خصوصیله آمریکا بیرلشمیش سیتادلاری طرفینده ن ایران آدلانان اولکه ایله عراق آراسینداکی پیلانلاشدیرلمیش ساواشین نتیجه سی یئنه کوردلر، خصوصیله ایله باریزانی و طالبانی خئیرینه تمام اولدی .

تئهران حاکمییتی غربلی دولتلرین یاشیل ایشغی ایله بودفعه طالبانی و بارزانی دان علاوه بارزانینین باشقا قارداش اوغلونو سیلاح لاندیراراق (عراق کوردیستان حزب الله ) آدی آلتیندا صداما قارشی یارارلانماغا باشلادیلار!

مسعود بارزانی، دوورو!
مسعود بارزانی ،ملا مصطفی نین اوغلو و تئهران رئژیمینین الی ایله یارادیلان کوردیستان حزب الله نین سوزده رهبری محمد خالد ین دامادی اولاراق حزب و اوز عشیره سی ایچینده بویودولن، بویوک اربابلارین حمایه سی ایله قدره ت قازانان ، اقتداری الینه کئچیرن و الینده بو گونه قده ر ساخلایان آدامدی!

البته ۱۹۸۷ ده ایدریس بارزانی نین اولومو ایله بو یول آچیلمیش اولدی، ائله اونون اوچونده ایدریسین اولومونه شبهه ایله باخانلاردا آز دئییلدیر!

دوشوندوروجودورکی، امپریال گوچلرین پیلان لارینی اویقولایان آتاسی ملا مصطفی باریزانی بیلینچلی اولاراق اوزحزبین ، گونئی آزربایجانین گونئی باتی سمتینده یئر آلان سویوق بولاق(مهاباد )شهرینده قورموشدور. و بو گونده او توپراقلاری ایستیلا ائتمه یه چالیشان مسعود بارزانی دا هامان شهریده (۱۹۴۶) آنادان اولموشدور.!!!!
مسعود بارزانی ارباب لارا باغلیلیقلاری آچی دان، ائله آتاسی نین خلف اولادی اولدوغونو ثبوت ائتمکده دیر. مسعود باریزانی ایران آدلانان ایشغاچی رئژیمین بویوردوغو (فرمانی) اربابلارینین گئرچک هدفلرینی گیزلتمک اوچون اوز قارداشلاری ایله بیرگه قاسملو و سونرا لاردا پ ک ک ایله چاتیشماغا باشلادی. خاطیرلاتماق یئرینده اولارکی، قاسملو ایسه ، باریزانی لری آدام یئین یام یام خطاب ائدیردی!!
صدامین اویونا گلمه سی ، غربین و خصوصیله آمئریکانین عراقا گیریب عراق دولتی نین اورتادان قالدیریلماسی ایله قاباقجادان حاضیرلانیلمیش اورتا شرق پیلانی نین عراقدا کی استراتئژی سینین سون بولوملری اویقولاناراق ایجرا ائدیلمه یه باشلاندی :

۱-ایران آدلانان سوزده غرب دوشمنی اولان، فوندامنتالیست ، تروریست و…رئژیمین ۱۹ مینه یاخین صدر کیمی یئتیشدیردیکلری مزدورلارلا عراقین مرکزینی تسلیم ائده ره ک ، هدیه اولاراق نفت قویولارینا صاحیب چیخدیلار.
۲-بارزانی و طالبانی لره عراقین شمال حیصه سینی بوتونلوکده ، بوتوو ایمکانلاریله الده ائتمه یه چالیشدیلار ! عراق تورکلری نین اراضیلرینی حتا کرکوک و اربیلیده منیمسه مه یه قالخدیلار.
۳-آمئریکا باشدا اولماقلا غرب اولکه لری عراقدا سوننی ـ شیعه داواسینی اورتایا آتیب، کوروکله مکله یاناشی رادیکال ایسلامچی گروپلاریدا یاراداراق بیریاندان، عراقدا اولمالارینا مشروعیت قازاندیریب، او بیری طرفده نده کولتوره ل ساواشلارا، مذهبی توققوشما، ائله جه ده حاضیرلانمیش اورتا شرق پروژه لرین ایجراسینا ایمکان یاراتدیلار!

ایران آدلانان اولکه ده کی ایران کوردستان دنموکرات پارتیسی و قاسملو !!!!
سویوق ساواش دوورونده روسلاردا غربیلی اولکه لر کیمی، کورد سیلاحلی عشیره لرین لیدرلرینی حمایت ائده ره ک بولگه ده کی اولکه لردن امتیاز آلما اوصولوندان فایدالانیردیلار.

۲۵ مرداد ۱۳۲۴ توده پارتیاسی نین یاردیم و ایمکانلاری ایله ( توده پارتیسی ایدئولوژیک، سیاسی، مادی و… روسیه «شوروی» دولتینده ن آسیلی اولاراق حرکت ائدیردی) و البته سوویت لرین ایسته یی ایله ایراندا کوردوستان دئموکرات پارتیسی قورولدو!
۲ بهمن‌ ۱۳۲۴ روسلارین آذربایجان دئمکرات فرقه سی و خصوصیله اونون رهبرلرینه باسقی اویقولایاراق، آزربایجان تورک میللتینین ایستگی و ریضاسی اولمادان ( عینی ایشی روسلار قوندارما ائرمنیستانی آزربایجان توپراقلاری اوزه رینده یاراتیرکن ده اویقولامیشدی ! ) آزربایجانین تاریخی اراضی سی داخیلینده ( قاراباغ کیمی)؛ کوردیستان خود مختار ایالتینی یاراتدیلار. سونرالار کوردلر اونو مهاباد جیمهوریتی آدلاندیردیلار ! حال بو کی آماج آزربایجان توپراقلاری ایچینده اوزجو (خودموختار) بولگه اولاراق گوستریلمیشدیر !؟

بیرایل سونرا روسلار تئهران حاکمییتیتدن آلا بیلدیکلری امتیازلاردان سونرا اورتاقلاشا آزربایجان میللی حوکومتینی و خودموختار کورد ایالتینی یوخ ائتمه یه چالیشدیلار.

بورادا بو واقعییتی قید ائتمک لازیمدیرکی، پیشه وه ری قوزئی آزربایجاندا یاشادیغی اوچون سوویئت سیستئمینی درین جه سینه تانیردی و اونو قبول ائتمیردی، حتا ایستالینین تهدید ائدیجی مکتوبودا اونو اوز یولوندان آییرا بیلمه دی!

ملی حکومتین یئرلی سیاست لری یوروتولوب و پلان لار بیر بیر یرلرینه اوتورسایدی قطعیاً ۲۱ آذرین ایلدونومونده اعلان ائدیله جه یی ایستیقلال بیاننامه سینده گونئی آزربایجانین آدی « جنوبی آزربایجان دئموکراتیک جیمهوریتی» آدلاناجاق ایدی .

بئله بیر دئموکراتیک جیمهورییت ین اوردا یارانماسی روسلاری قورخودوردی ، چونکی ایسته ر ـ ایسته مز اوز تاثیرینی قوزئی آزربایجاندا قویموش اولاجاغیدی. بونا گوره ده ۲۱ آذرده ن قاباق بو مووافیقت حیاتا کئچیریلمه دی، و ایستیقلال بیاننامه سی نین اعلان ائدیلمه سینه فورصت وئریلمه مه لی ایدی.

روسلارین بو خیانتی نین ان آغیر نتیجه سینی تاسوفله گونئی آزربایجانلیلار گوردولر .
۳۰ مینه یاخین اینسانین وحشیجه سینه اولومو و ۱۰۰ مینلرجه اینسانیمیزین دیده رگین و

سورگون دوشمه سینه سبب اولدی . حتا بیر چوخلاری وطن حسرتی ایله سیبری دوشه رگه لرینده جان وئردیلر. مینلرجه ده اینسان دوسداقلاردا ایشکنجه ائولرینده ایشکنجه وتحقیرلره معروض قالدیلار. کورد لرده اوز رهبرلری اولان قاضی محمدی قربان وئردیلر، زیرا بارزانی باتی پیونی ( مهره سی) نین دونه می باشلیردی!

قاسملو
عبدالرحمان قاسملو ۱۳۰۹ نجی ایلین دی آینین بیرینده گونئی آزربایجانین غربینده اولان اورمو شهرینین قاسملو کندینده دونیایا گوز آچمیشدیر !

مکتبی اورمو و تهراندا اوخویوب و دیپلومون آلمیش و ۱۳۲۷ نجی ایلده تحصیل مقصدی ایله پاریسه گئدیر. تعجوب لندیریجی دیرکی، او بین الملل اوریرنجی بیرلیگی نین ایلک ایرانلی !! طلبه سی (دانشجوسو) اولاراق طلبه بورسو ایله پراگ اونیوئرسیته سینه آختاریلیر!

۱۳۳۰ نجی ایلینده ایران آدلانان اولکه نین اورنجیلرینین تمثیلچی سی اولاراق توپلانتی لارا قاتیلیر!!! و۱۳۳۱ ده سیاسی و اجتماعی ساحه ده لیسانس آلیر! و تهرانا گئری دونور!! (شاه رئژیمی سانکی اونون یورد خاریجینده کی فعالییتلریندن خبری یوخوموش دییه اونا توخونمور!!!) ۶ آی سونرا سویوق بولاغا ( مهابادا ) گئدیب و حزب ایشلرین عهده سینه آلیر!

۲۸ مرداد۱۳۳۲ اولایلاریندان سونرا گیزلی فعالیتینه دوام ائدیر.۱۳۳۶نجی ایلده یئنه چئک اسلاواکی یه دونور و ۱۳۴۱ ایلینده اقتصاد دوقتورا سینی آلیر و ۱۳۴۹ نجی ایله قده ر اونیورسینه ده کاپیتالیسم و سوسیالیزم اقتصادی بولومونده، اقتصادی بویومه تئوری سینی درس وئریر! و….

۱۳۳۷-۱۳۳۸، دئموکرات پارتینین کوردیستان کومیته سی رئژیمین اطلاعات قوه لرینه افشا اولاراق، ان صلاحییت لی عضولری اولان (اسماعیل‌ قاسملو، دكتر مولوی‌، غنی‌ بلوریان‌، عزیز یوسفی‌، حسن‌ شریعت‌) توتولورلار.

اسماعیل قاسملو (عبدالرحمن قاسملو نون قارداشی ) ساواک ایله بیرلیکده ایشله یب و نئچه ایل سونرا بهروزقابتین مارکسیستی محفیلینی ساواکا خبر وئریب،و یاخلانمالارینی ساغلاییر!

دكتر مولوی‌ و حسن‌شریعت‌ ده توبه ائدیب دوسداقدان آزاد اولدولار!
غنی‌ بلوریان‌ وعزیز یوسفی‌ تسلیم اولماییب ، پهلوی رئژیمی چوکوشونه قده ر دوسداقدا قالیرلار!
او گروهدان ساده جه سلیمان‌ معینی‌ عراقا قاچیر (۱۳۴۶ نجی ایلده سیلاحلی چاتیشمادا اولدورولور).
قاسملو چئک ایسلاواکی دا الكساندردوبچئك‌ ین دئموکراتیک سوسیالیزم دوشونجه سی ایله تانیشماسی،خانیمی هلنا نین تاثیری آلتیندا قالیب، خصوصیله اونیورسینه ده کاپیتالیسم و سوسیالیسم اقتصادینی اوره تیرکن، غربه باخیشی تمامی ایله ده یشیر!!

غربیلی وخصوصیله فرانسه گیزلی سرویس لری اوچون سوسیالیست اولکه لرده، بیراونیورسینه ده کورد اوستادی نین اولماسی گویده آختاریرکن ، یئرده تاپیلان بیر هدیه ایدی! اونون اوچون سونونا قده ر بو قیمتلی آژانی قوروماغا و یارارلانماغا چالیشدیلار!

پهلوی ایرقچی رئژیمی نین، سوزده اسلامچی حاکمیتیله ده ییشدیریلمه سی، امپریال اولکه لر اوزایستراتئژیلرینی آذربایجانین غربینده حیاتا کئچیرمک اوچون قاسیملو گئری دونور. غنی بلوری و توده پارتیسی نین کورد عضولری و البته غرب دولتلرینین مادی ایمکانلاری و گوستریشلری ایله یئنی دن کوردیستان دئموکرات فیرقه سینی احیا ائتمه یه چالیشیرلار !

ایران آدلانان اولکه ده اورتایا چیخان اوتوریته بوشلوغوندان فایدالانان قاسیملو و ارباب لاری کوردلری سیلاحلاندیراراق، خصوصیله غربی آزربایجانا سالدیردیلار، مقصد لری کوتلوی(عمومی ) بیر قتل عام و ترور ایله یئرلی اهالینی اوز دوغما یوردلارییندان قووماق، باتی و بولگه نین ایستوروکتورونو کوردلرین خئیرینه ده ییشیب، اوزون وعده لی اولاراق بو اراضینی کوردوستان اراضیسی گوسترمک ایدی !

۳۰ بهمن ۱۳۵ یعنی ۸ گون پهلوی رئژیمین چوکمه سیندن سونرا سویوق بولاق( مهاباد) پادگانی قاسملو سیلاحلی دسته لرینجه ایشغال اولونور و بوتون سیلاح و ایمکانات اللرینه کئچیر!
قاسیملو ایلک اولاراق،دولت و اونون سیلاحلی گوچلرینه سالدیرماق یئرینه، استراتژیلرینی حیاتا کئچیرمک اوچون آزربایجان سیراوی وطنداشلارینا سالدیریب آزربایجان اراضیلرینده آت اویناتماغا قالخیشدی. او آندا تئهران حاکمییتی ایله موباریزه بحث موضوعسو دئییل ایدی.
قاسیملو و گوجلندیریلمیش سیلاحلی چته سی ۲۰ مین نفردن چوخ غربی آزربایجانی کوردوستان گوسترمک اوچون سولدوز ( نقده) شهریننه توکولدولر، سوزده میتینگ کئچیرمک اما حقیقتده یئرلی لره اوز گوجونو گوسترمک و هده – قورخو گلمک آماجیلاری وار ایدی!

یئرلی آزربایجان تورکلری نین آغ ساققالیلاری چالیشتیلارکی، اونلاری بوعمللریندن واز کئچتیرسینلر، آمما اونلار اربابلارینین سیاستلرین آدیم – آدیم اویقولاماغا مکلف ایدیلر!

قاسملو و او دووروده سولدوز کوردلری نین سوزده دین خادیمی اولان مولا صلاح لا بیرگه تورک لرین شهری بوشالتیب و اونلارا تسلیم ائدیلمه سینی اورتایا سوردولر ! طبیعی اولاراق آزربابجان تورک میللتی اوز شانلی تاریخینه دایاناراق «توپراقدان پای اولماز» دئییب ، اولوروق آمما شهری تسلیم ائتمه ریک دئمکله کسینلیکله بو چیرکین ایسته یی رد ائتدیلر!

کوردلر بهانه بولاراق استادیومدان شهره توکولوب، قادین، اوشاق، یاشلی دئمه دن، اوز جینایتکار بابالاری اولان سیمیتکو کیمی قورخونج بیر قتل عامینی تیکرارلادیلار.

قاسملو ایللر سونرا پیلانلاری نین ایجرا اولونماماسینی و اربابلارینین تئهران رئژیمینی دستکله ین گوچلرینن آنلاشماسی نین قربانیسی اولاراق، اتریش ده رئژیم ایله مذاکره میزی نین (ماساسی نین ) باشیندا اولدورولور! هامان حادیثه برلین ده کوردلرین باشقا گیزلی قوطوسی اولان شرفکندی نین باشینا گلدی و بئله لیک ایله یارادیلان و گوچلندیریلن سوزده کورد حزبی باشقا بیر زامان یارارلانماق اوچون تیکرار آرشیوه قویولدی زیرا ارباب لار یئنی بیر ماشانین داها اویقون اولماسینا قرار وئرمیشلر (پ ک ک و عبدالله اوجالان).

عبدالله اوجالان و پ.ک.ک.
تورکیه ده سیاسال کورد حرکتی و یا باشقا بیر سوزله دئسک ، کورد تئرور موشکولونون اورتایا چیخماسی، دئموکرات پارتی (دپ) سی نین قورولماسی ایله یارانمیشدیر. ایلک اولاراق تورکییه ده کورد حاقلاری ۱۹۷۵ نجی ایلده اورتایا آتیلمیشدیر. سونرالار بهجت بورانین یاراتدیغی تورکییه ایشچی پارتی سیندا کوردلر بیر ترک وطنداشی کیمی حزب ده عضو اولما ایمکانی تاپمیشدیلار. خاطیرلاتماق یئرینده اولارکی تورکییه ده مطبوعات ، جمعییت و حزب قورما آزادلیغی ۲۷ مای عسگری کودتا نین آرديندان قبول ائديله ن ۱۹۶۱ آناياساسي نين ياراتدیغی محیط، بو اولکه ده دئموکراتیک لشمه نین پایاسینی قویموشدور. ( البته کی بئله بیر آزاد محیطده آشیری رادیکال تشکیلات و قوروملارین یارانماسینا ، گئله جکده ان بویوک ماشا اولاراق فایدالانماق اوچون پ.ک.ک. کیمی تئرور چو تشکیلاتین یارانماسینا دا فورصت یاراتمیشدیر!.)

ایلک اولاراق کوردلر اصیل مقصدلرینی گیزلتماق اوچون سولچولوغو و تورک آدیندان یارارلاندیلار. اونجه رادیکال تورک دئوریمجی گنجیلیک تشکیلاتنا سیزدیلار،سونرا تورکیه ایشچی پارتیسی آدی آلتیندا سئچیلمیش کوردلر و ساتیلمیش تورک لری له بیر آرایا گلدیلر!

موسی آنتئر، تاريک ضیا اکينجی، فايک بوجاک، سعید ائلچی، ياشار کايا کیمی شخص لر بو پروژه نین تئوریک و پراتیک رهبرلری اولدولار!

سوزده تورکیه ایشچی پارتی سی نین دیاربکر، باتمان، سیلوان، تونجه لی، آغری و آنکارادا اربابلارینین مالی و لوجستیک یاردیملاری و البته تورکیه ده اولان آزاد محیطده ن فایدالاناراق میتینگ لر کئچیرتدیلر! بو میتینگ لر ایله تورکیه دولتینین یارادیلمیش سوزده اپوزیسیونونا کورد سورونو آدی آلتیندا یئنی بیر ساحه و گئله جکده کی تئرورا مشروعیت قازاندیرماغا چالیشیدیلار !

۱۸۷۴ نجی ایلینده آنکارادا قورولان سوزده دئموکرات یوکسک اوره تیم جمعییتی نین قوروجو لاری آراسینا یئنی بیر سیما اورتایا چیخدی! ، بو شخص اربابلار طرفینده ن سئچیلمیش و گئله جکده پروژه نی ایجرا چیسی اولان و لیدیرلیک ائده ن عبدالله اوجالان ایدی! بیرآز زامان سونرا بو شخص کوردوستان ایشچی پارتیسی ( پ.ک.ک.) نین قوروجوسو و تورک دونیاسینین باش بلاسی اولدی!

عبدالله اوجالان اورنجی لیک ایللریندن سئچیله ره ک تعلیم وئریله ن لیدر اولاراق کورد سورونونون چیخیش یولونو سیلاحلی موجادیله ده اولدوغونو مودافعه ائده ن ، فعالییتینی بیلینچلی اولاراق دوغو وگونئی دوغویا (شرقه و جنوب شرقه ) جهت وئرمه یه چالیشیردی !

۱۹۷۸ايلينده سيلاحلی عملیاتا باشلادی. ، ايلک اؤنجه آپوجولار ويا (اولوسال قورتولوش اوردوسو) اولاراق تانيندی. اوجالان و قوروجو هئیت ، دياربکرين ايلچه سی اولان فيس کندینده کی ( ۲۷ نوامبر ۱۹۷۸ده) کئچیردیکلری ییغینجاقدا تشکیلاتین آدینی پ.ک.ک. اولاراق آدلاندیردیلار.

۱۲سپتامبر ۱۹۸۰ تاریخینده خاریجی قووه لر سورییه لی حافیظ اسدین تورک دوشمنچلیغیندان یارارلانیب، اوجالانی سورییه یه یئرلشدیردیلر. اسدین متخصیص لری ایسه پ.ک.ک. عضوولرینیه نیظامی تعلیم وئرمه یه باشلادیلار.

پ.ک.ک. و سوریه مناسبتی
۱۵-۲۵ یولی ۱۹۸۱ ده سوريه ده کئچیریله ن پ.ک.ک. نین بیرینجی کونفیرانسيندا ۶۰ نفره یاخین تشکیلاتا باغلی شخصلر قاتيلمیشدی. او دوورده سوریه ده دولت باشچیسی اولان حافظ اسد طرفیندن عراق کوردوستان دئموکرات پارتيسيندان (کدپ) آلدیغی ايجازه اساسیندا، پ.ک.ک. تشکیلاتین سیلاحلی قووه لرینی عراقیین قوزئی یینده يئرلشتیریلدی و بئله لیک ایله، ک.د.پ ( کورد دئمکرات پارتیسی) ليدئری مسعود بارزانی ۱۹۸۱ ایلیندن پ.ک.ک یه صاحیب چیخدی! ( باریزانی عشیره سینین باغلارینین کیملرین الینده اولدوغوندان، پ.ک.ک نیندا نییه و نه مقصدله یارارلانیلماسی داها یاخشی آنلاشیلیر)!.

پ.ک.ک. نين ايلک ائيلئمی و يوکسه ليشی
۱۵ آگوست ۱۹۸۴ده پ.ک.ک نين ايلک های – کویلو تئرور عملی حاککاری نين شئمدينلی ايلچه سی ايله سييرتين ائروه ايلچه سينده حیاتا کئچیریلمیشدیر . پ.ک.ک نین سیلاحلی دسته لری هجوما کئچیب، سیلاحلی قارشی دورمالارین پایاسینی قویموشدور.

اوجالان ايفاده سينده، بو سالدیرینی هيلوان-سيوئرئک دؤورو اولاراق آدلاندیریر. پ ک ک بيرينجی مرحله ده آغالارا و شيخلره، یعنی محلی اوتوريته یه قارشی اولدوغونو قئید ائدیر، شئمدينلی و ائروه باسقينلاريندان سونرا باشلايان ايکينجی مرحله ده ايسه اورگوت، تاکتیکی طرزينده آپاریلان سيلاحلی عملییاتلاردا دوغرودان ـ دوغرویا دولته قارشی جهتلندی یینی ایرلی سورور!

اوچونجو کنگره قرارلاريندان سونرا پ ک ک سيلاحلی عملییات ساحه سینی گئنيشلندیریر . عسکری هدفلرين يانی سيرا، عموما عایید قوروملارين وساییطینه و دوولته عایید بينالارا سالديریرلار . بو گئليشمه لر اوزه رينه ۱۹۸۷ جدی و حتی علنی شکیلده سوریه ،عراق ، باریزانی عشیره سی ایله یاناشی روسیه، یونانیستان، ائرمنستان، ایرقچی سوزده ایسلام جمهورییتی و بوتون اوروپا اولکه لری دستکلرین آرتیریرلار!

تشکیلاتین ۱۹۸۶-۱۹۸۷ ایللرینده یوغونلاشدیرديغی عملییاتلاردان مقصد پ.ک.ک یی تورک دولتینه قارشی آلترناتیو گوج اولاراق قبول ائتدیرمک ایسته مه سیدیر.

عبدالله اوجالانین یاخالانماسی ایله غرب گوچلری نین حقیقی اوزلریده اورتایا چیخدی . ایلک اولاراق اوجالان ایپدن قورتاریلدی، سونرا پ.ک.ک نی سیاسی بیر پارتی و آکتور اولاراق تورکییه دایاتماغا چالیشدیلار، بو چابالار البته کی فتح الله گولن جماعتی کیمی تورکیه نین بوتون سیستمینه سیزان تعلیم گورموش آژانلاری ایله ممکون ایدی !

هئچ شبهه سیز اینانج بسله مه لییق کی، بو ماشالارین قوللانیلماسی تورک دونیاسینین آلتین کوپروسو اولان گونئی آذربایجانین ایستقلالییتینی قازانماسی ایله سون بولاجاق!

نیه کوردلر سئچیلدی؟
طبیعی اولاراق هر بیر میلت اوز مقددراتینی اوز الینه آلما حقینه صاحیبدیر، و کیمسه بیر میللتین وار اولما و دولت لشمه سینه قارشی چیخمامالیدیر. آمما بو ایشده قونشولارینی گووه نسیزلیغا سالمامالیدیر ، خصوصیله بیز گونئی آزربایجان تورک لری اولاراق، میللی موجادیله و ایستقلالییتین نه قده ر اونملی و حاقلی اولدوغونو چوخ یاخشی حیس ائدیریک .لاکن کوردلر وخصوصن غربی آزربایجانا یئرلشدیریلن باریزانی عشیره سی و باشقالاری نین موشکولو انسانی حقلرله توپراق مسئله سینی بیر – بیرینه قاریشدیرماقدیر. قوجاغیندا یئر وئره ن ائو صاحیبی نین توپراقلارینا گوز تیکمک هر ایکی میللت اوچون خوش نتیجه وئرمه ز. بو ایکی میللت ال – اله وئریب مستعمره دوورونده ن قالان دالی قالمیش لیغی اورتادان قالدیرماق، باشقا میللتلر کیمی بیزیم میللتلریمیزینده ریفاه و فراوانلیق ایچینده یاشاماسینی تامین ائتمکدیر. وار- یوخوموزو غربین اسلحه کارخانالارینا باغیشلاماق تاریخی جرم دور…!

غربی آزربایجان بوتوو آزربایحانین واز کئچیلمز تاریخی توپراقلاریدیر، کوردلر ایسه بو اراضیه هدفلی یئرلشدیریلمیش گوچمنلردیلر، طبیعی اولاراق صاباح گونئی آزربایجان ایستقلالییتینی قازاندیقدان سونرا توپراقلاریمیزدا یاشایان بوتون غیر تورک میللت لر بیزیم یوردداشیمیز(هموطن ) و آزربایجان وطنداشی ساییلیرلار. و بین الملل حقوق وقایدا ـ قرارلارا اساسن انسان حاقلاری بیاننامه سینده کی حاقلارا صاحیبدیرلر. بو برابرلیک اوزونو میللی موباریزه ده ده گوسترمه لیدیر. بو موباریزه عین زاماندا اونلارین حاقلاری نین تأمینی نین موباریزه سیدیر. بو موباریزه ده اونلار بیلمه لیدیلر کی حقیقی بیر سعادت دالیسا اولسالار بیزیم یانیمیزدا اولمالیدیرلار. تیکرار ائدیریک بو برابرلیک، حقوقی برابرلیکدیر و توپراق داواسی نین حقوقی برابرلیکله علاقه سی یوخدور.

باشقا بیر میللتین اراضیسینه کوچوب ـ کوچدورولوب، سونرالیقدا او شهروقصبه ده چوخلوغو تشکیل ائتمک او شهر و یا قصبه نین اونلارا عایید اولماسی معناسینا گله –بیلمز.!!! میثال اوچون آلمانین بئرلین و باشقا شهرلرینه یئرلشن و بعضی منطقه لرده اکثرییتی تشکیل ائده ن تورکلر بو اراضیلری تورکییه توپراغی سایا بیلمه زلر. بو بیر بین الخالق اخلاقی قورال گیبی بیز و قونشولاریمیز اوچونده کئچه رلیدیر.

باتی دولتلرین باخیشی
قیساجا تاریخه گوز آتارساق، انسانییت ین ایکی آیری ایستیقامتده ایلرله مه سینی گورمک ممکوندور!

۱-دونیا میزداکی وارلیقلاری اورتاق و انسانا لاییق شکیلده پایلاشماق ایسته ینلر!
۲- بو وارلیقلاری اوزللشدیریب (خصوصی لشدیریب ) و شخصی میراث لاری کیمی گوره ن لر!

اینسانییت و دولتلرین قورولوش فلسفه سی و تاریخینه باخاندا، چئشیدلی دولت لرین گوجله بو ثروتی الده ائتمه چابالاری نین شاهیدی اولوروق . تورک و عرب لر ایسلامیتی قبول ائده ندن سونرا، عموما ساواشلاری گوج و ثروت قازانماق دان چوخ، ایسلامیتی یعنی اونلارین اینانجینا گوره عدالت، ائشیتلیک و قارداشلیغی یایماق اوچون اولموشدور. بو اینانجدان قایناقلانان گوج و یئنی لیک اونلارین سرعت ایله ایلرلمه لرینه سبب اولموش ایدی.

طبیعی اولاراق بو دوروم، قارشی گوجلری حرکته کئچیردی، چین لیلر،روسلا، پرس لر شرقیده و بوتون اوروپا دولت لری ایسه غربیده بو ایکی میللته قارشی هم سیلاحلا ساواش میدانلاریندا ووروشدولار،هم ده تاریخی جعل و تحریف ائده رک گونوموزه قده ر سوره ن بیر پیسیکولوژیک ساواشی باشلاتدیلار.

آچیقجا دئسک بو ایکی میللتدن باشقا اونالارا مئیدان اوخویان، چیخارلارینی خطره سالان، وارلیقلارینی تهدید ائده ن بیر میللت یوخ ایدی .

هانسی میللت چین کیمی نهنگ دولتی ایشغال ائده بیلیردی ؟ و یاخود روسلاری کنترول و پرس لره حاکیم و وین قاپیسینا دایانما و اسپانیایا مسلط اولما قابیلیتی وار ایدی!؟

ائله اونون اوچوندورکی، بو دولت لرین تاریخینده تورک وعربه قارشی دوشمانچیلیق و پیسلمه لرموجوددور! و بعضی ساتیلمیش سوزده آراشدیرماجیلاردا او قایناقلارین کوکونه گئتمه دن اونلاردان بیرسند کیمی یارارلانیر، وتاریخی ایسته دیکلری کیمی یوروملاییرلار!

ائله گونومزده ده اونلارین پیلان و سالدیریلاری نتیجه سینده بو ایکی میللت ضعیف دوشدوغو حالدا یئنه ده نفوس، جغرافیا، و یئر آلتی ثروتلرینه مالیک اولدوقلاری، اونلاری قیجیقلاندیریر. تأسوفله بو میللتلر و اونلارین آیدین و ضییاللیلاری چاغیمیزلا آیاقلاشا بیلمه دیکلرینده ن تئکنیک، صنایع، و علم باخیمیندان اله باخار دوروما دوشوبلر!

طبیعی اولاراق اونلار هر زامان اوز چیخارلارینی دوشونور و چیخارلاری اوچون بیزلری بیر- بیریمیزه دوشورمه نی استراتژی لری اولاراق آدیم – آدیم اویقولاییرلار : بو استراتژینین تاکتیک لری اولاراق دا:

۱-تورک لر و عرب لری ، فرقلی – فرقلی دولت لره بولوب و حتی بیر بیرلرینه قارشی دوشمن ائدیب و ائده جکلر !

۲-مئدیا و تاریخ ده بو ایکی میللتی سالدیرقان ، یئرتیجی و کولتورسوز گوستریب وگوسته ره جک لر!
۳-بوتون گوچلو دولتلر هرساحه ده بیر- بیرلرینه چیخار باخیمیندان رقیب اولسالاردا، تورک-عرب دوشمانلیغیندا اورتاق حرکت ائدیب و ائده جک لر!
۴-کوک سوز دوشمان دولت لر یارادیب ، بوتون ایمکانلارین سفربر ائدیب و ائده جک لر( قوندارما ائرمنیستان و…).
۵-عشیره لری، ایستدیکلری اراضیلره گوچ ائتدیریب، سیلاح و ایمکان وئره ره ک، تورک و عرب لره میدان اوخویوب، اونلاری اوزلریله مشغول ائدیب و ائده جک لر!

یوخاریداکی ایستک لرین حیاتا کئچیرمک اوچون واختی ایله :

۱-ایکی بویوک تورک( صفوی- عثمانلی) امپراطورلوغون آراسیندا اختلاف یاراداراق ، زامان ایچینده هر ایکیسینی ده ضعیف لشدیردیلر!
۲-صفوی امپراطورلوغونون دوامی اولان قاجار تورک سلاله سینه قارشی ساواش آچاراق : ایلک اولاراق چوخونلوغو تورک اولان بولگه لره ساواش غنیمتی اولاراق صاحیب چیخیب، روس امپراطورلوغونا قاتدیلار.و بئله لیک ایله مطلق اکثرییت ده اولان تورک لری ممالک محروسه ده نسبی آزینلیغا دوشوردولر، ایکینجی مرحله اولاراق اوروپادا تربیت گورن سوزده ضیالیلارین واسیطه سی ایله پان فارسیسم و آریاچیلیق مفکوره سینی اولکه ده یایماغا باشلادیلار و سون حلقه اولاراق کودتا ایله رضا میر پنجی فارس سلاله سی اولاراق حاکمییته گتیردیلر. مقصد ایران آدلانان یئرده تورک وارلیغینی یوخ ائتمک ایدی.

۳-عثمانلی امپراطورلوغی: سوزده آزادلیق ایسته یی آدی آلتیندا گیزلی جاسوسلاری واسیطه سی ایله یاراتیلان پان عربیسم و پان ایسلاویسم آدی آلتیندا آفریقانین شمالی حیصه سینی ، اورتا دوغو و خصوصیله فلسطینی عثمانلیلاردان آلدیلار. داها سونرا بالکان اولکه لرینی عثمانلی ایمپراطورلوغوندان آییردیلار. هئچ شبهه سیز آتا تورکون اوستون رهبرلیغی و تورک میللتینین عزم و اراده سی اولماسایدی تورکییه، خریطه د ه ن سیلمیش یا کیچیک بیر مستعمره آلتیندا بولگه اولاجاغیدی !
۴- فارس حاکمیتینین یارادیلماسی نین مقصدیده تورک و عرب دوشمانچیلیغینا و اوزللیک ایله آذربایجان تورکونون قارشیسینی آلماق اوچون ایدی !
۵-آزربایجان اراضی سینده قوندارما ائرمنی دولتی نین یارادیلماسی دا تورک دوشمانچیلیغی ساحه سینده روس، غرب اورتاق سیاستی نین گوسترگه سی ایدی.
۶-غرب و شرق اوچون کورد لر نفوس، جغرافی و عشیره آچیسیندان تورک ، عرب دوشمانلاری اولاراق سئچیلمه لری تصادوفو دئییل ایدی . هله بیرنجی دونیا محاربه سیندن اول باشلادیلان بو پیلان اساسیندا کورد آغالاری و خصوصیله ایله باریزانی عشیره سینی حمایه لری ایله کورد لرین منطقه ده یاییلمالارینا یاشیل ایشیق توتدولار. و بوگون او سیاستین نتیجه لرینی گورمکده ییک .

کوردلری حمایه دن مقصد نه دیر؟
۱-بوتون تورک و اسلام جغرافیاسیندا چاتیشمالارین و سیلاحلانمالارین یایلماسی !
۲-خالقین ریفاهی، تعلیم ـ تربییت، ساغالیغی و اولکه نین گلیشمه سی اوچون خارجاناجاق پوللارین سیلاحلانماغا و عسگری یولدا صرف ائدیلمه سی، اونلارین اوزلری نین و سیلاح کارخانالاری خئیرینه دیر.

۳-بوتون یئر آلتی ثروتلریمیزی ساتیب ومودافعه یولوندا خارجا نیلماسی !
۴-گونئی آزربایجانین ایستقلالییتینین قاباغینی آلماق ( گونئی آزربایجان تورک دونیاسینین بیرلشمک یولوندا آلتین کوپرو رولوندادیر)!
۵-آزربایجان و تورکیه آراسیندا یعنی ایکی تورک دولتینین و عینی زاماندا تورک – عرب دونیاسینین اورتاسینا کورد دیواری چکمک !
۶-گونئی آزربایجانین فارس ایشغالچی گوچلری ایله ساواشیرکن، یاندان چیخاریلمیش استیلاچی و سیلاحلی چه ته لرله قارشی ـ قارشیا قویوب ، مجبوری اولاراق ایکی جبهه ده ساواشماق زوروندا قالماق، قورتولوشوموزون داها آغیر قیمته مال اولماسی، یاخود مجبوری اولاراق بابا لاریمیزین گوردوغو خطایه دوشوب ( فارس، سوزده شیعه چیلیک جبهه سی یاراتماق مشقینه دوشمک )!.

بیزجه داعش کیمی تروریست گروپلارین یارادیلماسی و جنایتلری، کورد پروژه سینه خدمت و منطقه ده یاییلماسینا ، حتا سورییه ایله تورکییه آراسیندا بیر کورد دوواری یارادیلماسینا مشروعییت قازاندیرماق اوچوندور . چونکی سونرالیقدا بوتون اورتا شرقیده چیخان نفت بو یولدان آغ ده نیزه(مدیترانه یه ) آختاریلمالیدیر . دیقت ائده رسک داعش اولماسایدی ، کوردلر بو قده ر مئدیاتیک اولوب ، مشروعیت الده ائده بیلمه زدیلر ونه ده بو مشروعییتدن دوغان اینانیلماز میقداردا سیلاح ، ومادی دستک قازانا بیلیردیلر! ونه ده کرکوک و باشقا تورک و عربلرین تاریخی توپراقلارینی ایشغال ائده بیلیردیلر!
سونوج
بو یازیدان مقصد حقیقتلری گوروب دوشونمکدیر. خاریجی اولکه لرین پیلانلارینی ـ نقشه لرینی گوتور ـ قوی ائتمک دیر. دوزگون آددیم گوتورمکدیر. تاریخه حکایه کیمی یوخ ، آراشدیریجی بیر گوزله باخماقدیر. تاریخی گئری چئویرمک مومکون دئییل ، آمما تاریخده ن درس آلماق مومکوندور.

تاریخده اولدوغو کیمی بو اویونو ساده جه تورک لر و عرب لرین بیرلشمه سی، کورد تروریست گروپلارینا قارشی مبارزه، و البته ده بونلاری حیاتا کئچیریرکن انسان حقلرین و بوتون بین الملل آنلاشمالارا باغلی قالماق و کورد میللتی ایله ماشا اولموش ساتقین چه ته لری آریتما ایله ممکون دور.

یاشاسین گونئی آزربایجان تورک میللتی
وار اولسون گونئی آزربایجان جمهوریتی

گونئی آزربایجان میللی یول تشکیلاتی(میللی یول)
۲۰۱۷

۸مارت ۱۸۵۷ ده امریکانین نیویورک شهرینین بير توخوما فابريکاسیندا ( کارخانادا ) چاليشان ۴۰ مين ايشچی، ۱۶ ساعاتليق ايش گونونون ۱۰ ساعاتا ائنديريلمه‌سی و اودنيشلرده آرتيش طلبی ایله اعتراضا باشلاميشدی. ۴۰ مين قادين ايشچی نين تشکيلات لانديرديغی بو آکسیا، او زامانا قدر کی ان کوتلوی قادين حرکتلريندن بيری ايدی. حرکتی دايانديرماق ايسته‌ين پوليس، فابريکا صاحیب لرینین فرمانی ایله قادين ايشچيلره هوجوم ائده ره ک ، مينلرجه ايشچينی فابريکایا کيليدله یب . و چيخارتیلان يانغيندا ايچريده قالان ايشچيلردن ۱۲۹ ياناراق جان وئرمه لرینه سبب اولموشلار.
بو جنایته، طبیعی اولاراق امریکانین سرمایه بابالارینا باغلی مطبوعاتیندا هئچ يئر وئريلمه‌ميش، و چالیشیلمیش فابريکا صاحیب لری و پوليسين قتل عامین میللت دن گيزلنیلسین. بوتون بو اورت – باس لارا باخمییاراق، ايشچيلرين جنازه مراسيمينه ۱۰۰ مينی آشان انسان قاتيلميش و چخارچی دولتین بوتون پیلانلارین آلت – اوست ائتمیشلر..
۱۹۱۰جو ايلده دانمارکین کپنهاگ شهرینده رئاللاشديريلان ايکينجی بين الخالق سوسياليست قادينلار کونفرانسيندا قادين و امک موباريزه‌سی ماسايا ياتيریلیر وآلمانیانین سوسیال دئموکرات پارتيياسيندان کلارا زتکين، قادينلار اوچون بير موباريزه گونو تعيين ائدیلمه سینی تکلیف ائدیر و سس چوخونلوغو ایله قبول اولونور. اوگوندن بری ، هر ایل ۸مارت اجتماعی عدالته اینانان انسانلار طرفیندن قادین گونو اولاراق قوتلاتیر.
نه یازیق کی چیخار اساسیندا قورولان سیستملر ۲۱ عصیرده قادینا باخیش و اویقولانان ایرقچی داورانیش و سوموروجو سیاست لری نتیجه سینده :
دونيادا اوخوما-يازما بيلمه‌ين اينسانلارين يوزده ۶۵ قاديندير. ميليونلارلاجا قادين، سيستماتيک اولاراق تجاوزه اوغرايير و يا شدت گورور.(بونلار آراسيندا کيچيک ياشداکی قيز اوشاقلاری دا واردير). دونيادا هر گون ۱۰ ايله ۱۷ ياش آراسيندا اولان ۸۲ ميليونو آشان قيز اوشاغی، ۱۸ ياشينا گلمه‌دن ائولنديريلمکده‌دير و … بونلار ساده جه بين الخالق عفو تشکيلاتينين رسمی رقملردیر و( ایرقچیلیق- استثمارا )معروض قالان قادينلارين يالنيز يوزده ۴۰ دیر.و گئرچک رقملر داها دا قورخونجدور.
ایران آدلانان اولکه ده اوزلیک ایله سون ۴۰ایل ایچینده، سوزده ایسلام جمهورییتی آدی آلتیندا فارس ایشغالچی – ایرقچی حاکمییتده، قادین لارین دورومو داهادا قورخونجدور زیرا سوموروجو سیستمین آنتی قادین اویقولامالارینا، دینی و ایرقچی محدودیتلرده علاوه اولموش .
گونئی آزربایجان قهرمان اونجول قادینلاری هر زامان شاه و شیخه قارشی، کیشی لر ایله چین –چینه اون صف لرده یئرآلاراق اعتراضلارینی موجود سیستملره گوسترمیشلر.وبوگون میللی قورتولوش مجادیله میزده بوتون یئرده اونلارین حضوری مجادیله میزین نه قده د مدرن اولدوغونو گوسته ریر، زیرا قادینلارین اولمادیغی بیر حرکت مطلقا، مشروع، حاقلی، عدالتلی ، حقوقا دایانان، دئموکرات و چاغداش اولما ز.
میللی یول، قادین – کیشی برابرلییی و اجتماعی عدالته اینانان بیر تشکیلات اولاراق بیر داها، بو قوتسال گونده گونئی آزربایجان قادینلارینی اوز تشکیلات لارینا قاتیلماغا چاغیریر و اینانیرکی قادین حاقلارینین گئرچک و کوکلی حلی مستقیل چاغداش گونئی آزربایجان دئموکراتیک جمهورییتی ایله ممکوندور.
یاشاسین۸مارت قادینلار گونو!
یاشاسین قورتولوش محادیله میز!
گونئی آذربایجان میللی یول تشکیلاتی

ایگیت ، میللیتچی گنجلر!

ایرقچی -ایشغالچی رئژیم، سوردوغو قانلی حاکمیتینین ان آغیر گونلرین یاشاییر، ایچ و بین الملل جامعه ده مشروعییتینی تمامی ایله ایتیرمیش ، و ایشغالچی سیاست لرینی دوام ائتدیرمه سی اوچون، هر طورلو چیرکین حرکته ال آتماسی ممکوندور.

آرتیق بوتون میللتلر وحتی فارس میللتینین بیر چوخو بو سیستم ایله اولماز، و قورتولوش اوچون چوزوم آراییشیندادیرلار.

یئرتیجی حاکمیت، بوتون ایمکانلارین سفر بر ائده ره ک بونفرت و اوزگورلوک حس و ایسته یی آزالتماق و یا گئچیجی اولاراق باشقا یونلره چکمک اوچون میللت لرین آراسیندا اختلاف یاراداراق، چالایشیر عمومی آیاخلانمالارین قارشیسینی آلسین، اونون اوچون بیر عده اوزلریندن اولان مامور و یا آلینمیش و یا ایللرجه ایرقچی سویلم لر ایله یئتیشدیردیغی شخص لری قولاناراق چیرکین ، ایرقچی و آغیزا آلینمایان سوزلر ایله تورک میللتینه قارشی کلیب حاضیرلایب و یایدیلار.

بعضی بیزیم گنجلرده بو چیرکین اهانته قارشیلیق، ایسته نیلمین سوزلر صرف ائتدیلر، گورونوکی رژیمین ایستگی، بیزیم استادیوم لاردا ، میللی حقلریمیزی ایستمک یئرینه حسسیاتا قاتیلاراق بوا یله شعارلار سس لندیرمک دیر.

و شبهه سیز بو طرز داورانیش و دوشونجه ،حرکته بویوک ضرر وئره بیلیر زیرا:

۱-میللی حرکت انسان حقوقونا دایالی ، بین الملل قانونلاری چرچیوه سینده حرکت ائدن مدرن و حقلی بیر داوادیر!

۲-بیز ایرقچیلیق و ایشغالا معروض قالمیش بیر میللت اولاراق، حرکتیمیزین تملی « پایه سی» انسانلاری برابر گوروب و برابر حقوقلولوغون ساوونماقدیر!

۳-میللی حرکت هئچ بیر میللته و او جمله ده، فارس میللتینه قارشی دئیل و اولمازدا، حرکت ایرقچی سیاست و ایدئولوژویا قارشیدی!

۴-استادیومدا رئژیمین پیلانلادیغینین ترسینه ایرقچی سیاست و رئژیمی هدف آلان شعارلار سس لندیره ره ک، دونیایا داوامیزین نه قده ر چاغداش و بولگه میزین گئله جه یی اوچون مستقیل آزربایجانین یارانماسینین فایدالی اولدوغونو گوسترمه لییک.

یاشاسین گونئی آزربایجان قورتولوش مجادیله سی!

قهر اولسون ایرقچی – ایشغالچی رئژیم

گونئی آزربایجان میللی یول تشکیلاتی

۲۸.۰۱.۲۰۲۰

۰۸.۱۱.۱۳۹۸

آزربایجان تورک میللتی، مین ایللر بویو تاریخی توپراقلاری اولان آزربایجان اراضی لرینده یاشامیش و یاشاماغادا دوام ائده جک.
چیخارجی دولت لر اؤز چیرکین پیلانلاری نتیجه سینده ، نه قده ر ساواش و حیله کارلیق ایله توپراقلاریمیزی بؤلوب و بیزی پارچا – پارچا ائتسه ده، هئچ بیرزامان وطن عشقین و حسرتین اوره کلریمیزدن سیله مه میش.
آرازین هر ایکی تایندادا میللتیمیزین وئردیی موجادیله لر، قالدیردیغی قیاملر، یاراتدیقلاری حوکومتلرین ان نهایی هدفی پارچالانمیش میللت و وطنیمیزین بیرلشمه سی اولموشدور.
محمد امین رسول زاده نین یاراتدیغی جمهورییت و قالدیردیغی بایراق، پیشه وری نین گونئی ده قوردوغو میللی حکومت، سوویت لرین چوکوشو ایله توپراقلاریمیزین قوزئی حیصه سینده یارانان آزربایجان جمهورییتی و اونون ایله آلولانان گونئی آزربایجاندا میللی حرکت و ایستیقلال مجادیله سی گؤستریرکی بو میللت بوتون باسقیلارا باخمیاراق نهایت بوتو آزربایجان دولتینی قوراجاقدیر.
تصادوفی دئییلدیرکی، ۱٩۸٩ ـ نجی ایلده سرحد حرکاتی باشلانیر. و میللتیمیز اللریله ده میر و آیریلیق دوواری نین سمبوللاری اولان تیکانلی مفتیل لری و سرحد دیره کلرینی اودا چه کیب و اؤزلرینی آرازین سرین سولارینا ووراراق بیر ـ بیرلرایله قوجاقلاشیرلار.
۱۹۹۱نجی ایلین ۱۶دئکابرینده آلینان قرار ایله ۳۱ دئکابر دونیا آزربایجانلیلارینین هم رأی لیک گونو اعلان اولونموش. و هر ایل دونیانین بیر چوخ یئرینده و اؤزللیک ایله ایشغال آلتیندا ، اؤزگورلوک مجادیله سی وئره ن گونئی آزربایجانیمیزدا بایرام کیمی قوتلانیلیر .
۳۱ دئکابر دونیا آزربایجانلیلارینین هم رأی لیک گونو ،اؤزللیک ایله گونئی آزربایجاتن میللی حرکتینده فداکارجاسینا چالیشان قهرمانلاریمیزا استراتژی لرینین آماج و مقصدینی گوسته ردیگی اوچون چوخ اونم داشیماقدادیر.
ایرقچی – ایشغالچی رئژیم ، ماهیتی و یوروتدوغو ارتیجاعی دوشونجه ایله سیاسی ، ایقتصادی و کولتورل پروژه لر نتیجه سینده میللتلرین نفرتین و بین الملل صحنه ده دیشلانمایی قازانمیش.
آرخا- آرخایا گلن اجتماعی اعتراضلار و بین الملل تحریملر و اؤزللیک ایله فارس میللتینین ده آیاخلانماسی غیر فارس میللتلره قورتولوش اوچون بویوک فرصت یاراتمیش.
امید ائدیریک بو تاریخی فرصتی دوغرو قوللاناراق بیر یاندان ایشغالچی رئژیمین حاکمییتینه سون وئریرکن، حاضیرلانمیش فارس آلترناتیولرین توزاغینا دوشمه یب و میللی ایستک و داوامیزی ایرانچیلیق و ساده جه حاکمیت دئیشمه سینه فدا ائتمییک.
اونوتمایالیم اعتراضلارا قاتیلماق اؤز ایستک و استراتژیمیزین اساسیندا اولمالی و ایرانچی شعارلار و اونا اویان مانقوردلارایله بیرلیکده حرکت ائتمک آنلامینا گلمه مه لی.
شبهه سیز میللتیمیزین ایستک و آرزولاری بیر گون قهرمان اولادلارینین اوزگورلوک مجادیله سی ایله گئرچکله شه جک.

یاشاسین اوزلویونو، میللی منلی یینی ایتیرمه ین ، وارلیغینا ، گله جه یینه اینانان میللتیمیز!
یاشاسین قورتولوش اوچون مجادیله ده قهرمانجاسینا دوشمانین دوسداقلاریندا میللتین و توپراقلارین ساوونان ایگیت لره
یاشاسین اونودولماز شهید لریمیزین شانلی اوزگورلوک یوللاری!.
گونئی آزربایجان میللی یول تشکیلاتی
۲۹.۱۲.۲۰۱۹
۰۸.۱۰.۱۳۹۸

آیا بیربیریمیزه قارشی اولمانین سرحدی وارمی؟

میللی حرکت طبیعی اولاراق اؤز ایچینده مختلف فیکیرلری اولان ‏شخص و قوروملاردان عبارت اولدوغو اوچون تنقیدی یاخلاشمالار و ‏آیدینلانمایا یاردیم آماجلی رقابت لرین اولماسی غایت نورمالدی‎.‎

آما بعضاً دوشمن لریمیزین پیلانی و دوستلارین سهولری ایله سالیم ‏رقابت و تنقیدی باخیشلارین اؤلچوسو قاچیب و قارالاما و تخریبات و ‏حذف ائتمه یه دوغرو آددیملار آتیلیر‎.‎

بعضی دؤنملر اولموش کی حتی بو طورلو داورانیشلار حرکتین گونده ‏مین دئیشمیش و بؤیوک ضرر و زیانلار وئرمیش‎.‎

سند سیز اتهام وورمالار، حسی و اؤن یارقی لاریمیزدان آلینان قرارلار، ‏باشقالارینی قارالاما و همن رئژیم آدامی و یا دوشمنلریمیزجه حرکته ‏سیزمیش کیمی گؤسترمه لر او قده ر یایقینلاشمیش کی، اوزاقدان باخان ‏طرفسیز بیر شخصه گؤره میللی حرکت ده ساغلام و گوونیلیر انسانی ‏بولماق هاردا ایسه ایمکانسیز کیمی دیر!‏‎.

بیر حالداکی بیر بیرلرینین قانلارین آخیتان کورد تِرورچی چه ته لر میللی ‏چیخارلاری اوچون بیرلیکده حرکت ائتمه یه دوغرو آددیم آتیب و ‏کوردیناسیون مرکزی قوروربلار! نه یازیق کی بیزلر هله ده بعضاً ‏دوشمن دن چوخ بیر بیریمیزه سالدیرماق ایله مشغول اولوروق!‏‎

بیر آز دوشونوب و وجدانیمیز ایله باش باشا قالیرساق اؤزوموزدن ‏سورمالییک «اگر منیم دوشوندوکلریم دوز اولمایا و یایدیغیم اتهاملار ‏اساس سیز اولورسا ! او زامان، داواداشیما و میللی حرکته ، نه اوز ایله ‏باخا بیلیریم؟»‏

شخصی دوشونجه و جناحی باخیش، نه یازیق کی شهید و ‏محبوسلاریمیزا قده ر اوزانمیش و بیر جناح او بیری جناحا منسوب اولان شهید و ‏محبوسلارینی گورمه مزلیکدن گلیر! حال بو کی آماجیمیز بوتون آزربایجان تورکونو ایشغالچی رئژیمه قارشی ‏قوروماق و قورتارماقدیر‎!‎

دوشونون ، بیریلری یاخالانمیش و جنایتکار رئژیمین دوستاغیندا ، ‏بونون خبرین بایکوت و اونو قان تؤکن رئژیمین اینصافینا بوراخماق، میللی حرکته ‏لایق بیر داورانیشدیر می؟ یوخسا او شخص ایله موشکولو اولان قوروم ‏و شخص لرین، اونو دار گونونده مدافعه ائتمه سی ؟‎ ‎

بویله دوشونه لیم کی بیز حاقلییز و او شخص لر مانقورتلاشمیش و اوز ‏میللتینین چیخارلارینا قارشی حرکت ائدیر و حتی یاخالانمالاریدا رژیمین سیزدیرما پیلانلارینین ‏بیر پارچاسی دیر( دیققت ائده لیم کی الیمیزده سند یوخ و ساده جه ‏دوشونوروز! ).نه ائتمه لییک؟‏

الف: اونون خبرین بایکوت ائدیب ودوروب رئژیمین نه ائده جه یینی ‏گورمه لییک!
‏1-‏ ‏ رئژیم بوراخسا اوزوموزو حاقلی بولوب و من دئمیشدیم هاواسینا ‏گیریب و وجدانیمیزی راحاتلاجاییق!‏
‏2-‏ اوزون مدت جزا آلیرسا ؟ بو دا اویوندی بیر نئجه آی سونرا ‏بوراخیرلار دئمک ایله وجدانیمیزی سوسدوراجاییق!‏
‏3-‏ ایللرجه دوسداقدا قالیرسا اوتاناراق آما عذر ایسته مه ن ‏قبوللاناجاییق می؟
‏4-‏ اعدام اولورسا نه دوشونوروز و وجدانیمیزایله نه شکیلده باش ‏ائده بیلیریز عجبا ؟ ‏

ب: اؤزگور اولاندا اونا قارشی تنقید و مخالف موقع توتدوغوموز حادا ، ‏ایشغالچی رئژیم طرفیندن توتولدوقدان سونرا اونو نه اوشخص اولاراق ، ‏بلکه بیر آزربایجان وطنداشی کیمی ساوونورساق !‏
‏1-‏ هر شئی دن اول حرکتیمیز و حاقلی داوامیزین انسانی ایلکه لره ‏باغلی اولدوغونو گوسته رمیش اولوروز!‏
‏2-‏ بیزیم شخصی داوامیزین اولماماسی و اولکه و میللتیمیزین حاق و ‏حقوق لارینی ساوونماسی اوچون مبارزه آپاردیغیمیزی ثبوت ائده ‏ر!‏
‏3-‏ بو شخصین وجدانینی اویاندیراراق ، دوشوندورور کی، سن کیم لر ‏اوچون کیملری ساتیرسان؟!‏
‏4-‏ بیزیم یاراتاجاغیمیز مستقیل و چاغداش دئموکراتیک آزربایجاندا ‏حتی سوچلو لاریندا انسانی حاقلاری اولدوغونو و قارانتیسی ‏دئموکرات روحلو مبارزلر اولاراق گوسته ره بیلیریک.‏

مگر اونوتموشوق کی بیزیم وظیفه میز آسیمیله اولان انسانلاریمیزی ‏قورتارماق و آیدینلاتماق دیر؟ یوخسا هر آسیمیله اولانا دوشمنجه ‏یاخلاشیرساق نه شکیلده میللتیمیزی قورتولوش موجادیله میزه جذب ائده ‏بیلیریزکی؟

‎ ‎دوشونون بو انسانی یاخلاشیم نه قده ر صادیق و طرفسیز انسانلارین ‏ایچینده حرکته و اونا منصوب اولان مبارزلره قارشی سیمپاتی یارادا ‏بیلیر و حرکته منصوب شخص لری غرورلاندیریر!‏‎!‎

گلین سند سیز اتهام و آیریمجیلیقلاری و فرق قویمالاری و دوغما – اؤگی ‏لیک داورانیشلاردان میللی چیخارلاریمیز اوچون اوزاقلاشاق‎ .‎

یاددان چیخاتمایاق کی خالقیمیز و سیاسی فعاللاریمیز، هر زامان خارجی ‏رسانه لرین آزربایجان ایله علاقه دار اولان خبرلری سانسور و بایکوت ‏ائتدیکلری ایچون نه قدر راحاتسیز اولوب و اونلاری قیناییرلار! آیا ‏سانسور و بایکوت قونوسوندا بیرینجی رتبه و مقامی قازانماق ایچون و ‏خالق طرفیندن لعنت لنمگ ایچون بیر گیزلی ساواش وارمی؟

البته بو قونو دا بعض انتقادلار سهواً سیاسی تشکیلاتلاری و حزب و ‏سازمانلاری دا هدف آلیر کی قطعیاً خبری و رسانه ای مسئولیت کندیلرینه تانییان و داشیان ‏تشکیلات لار و انسان حاقلاری آدی آلتیندا چالیشان سویداشلاریمیز ، ‏سؤز قونوسو اولا بیلیر. و الّا بو یئرتیجی حاکمییته بیر مخالف اولان ‏سیاسی تشکیلاتین ، محبوس یا محبوسلار ایله ایلگیلی آد چکرکن ‏چیخیشلاری ، هر کسه آیدین دیر کی اونلارین آغیرلانمیش جزا و حتی ‏جانی تهلیکه یه معروض قالمالارینا یول آچا بیلیر و منطیقه دایالی ‏داورانیشی اولان سیاسی تشکیلاتلار حتی تمام رسانه لریمز ساکیت و ‏سسیز قالسالار دا ! هیچ بیر زامان بو توزاقلارا دوشمه مه لیدیلر‎.‎

اونوتمایین بو داوا ، تمام میللتیمیزین ، انسان حاقلاری ، اونون شرافتی ‏و الیندن آلینان حاقلار و دانیلدیغی و ایکینجی سیرا وطن داش تانینان و ‏انسان گیبی معامله گؤرمه مه دیگی اوچون باشلامیش و دوام ائدیر‎ …‎

رسانه ساحه سینده مللتین اعتمادین جلب ائتمگینین ایکی اساس فاکتورو واردیر. ‏‏
1-«خبرلرین گئرچک اولماسی»
2- «تحلیل لرین منطقلی اولماسی!»
میللت یوز ‏خبرین ایچینده بیر یانلیش و یا یالان مطلب گؤرسه و ائشیتسه ، باشقا ‏دوخسان دوققوز خبره ده کسینلیکله ایناماز‎ ! ‎‏ اونوتمایاق کی «بایکوت دا بیر سسیز ‏یالان دیر.» بایکوتون قونوسو گونئی آزربایجان ایله ایلگیلی اولورسا ، داها ‏اوتاندیریجی و داها قباحتلیدیر‎ .

‎کمیته مرکزی
گونئی آزربایجان میللی یول تشکیلاتی
25 آذر 1398

آذربایجان دوولتچی لی یینه و دولت باشچی سینا سالدیریب ، اهانت ائتمک قبول ائدیلمه زدیر غئیر سیاسی ، قینانیلاجاق بیر حرکتدیر.

تاسوفله سون گونلرده سیاستچی اولما ایدعاسیندا اولان بیریسی نین سوسیال مئدیادا چیخیش ائده ره ک، قوزئی آذربایجانیمیزین جیمهور رئیسینه دئموکراتیک و اخلاقی قایدا ـ قرارلارین ضید اولاراق نزاکتسیر موصاحیبه سی، اوتایلی ـ بو تایلی میللتیمیزین راحاتسیزلیغینا سبب اولموشدور. بو طرزیده چیخیش ائتمک اوزونو سیاستچی بیله ن بیریسینه یاراشان بیر ایش دئییلدیر. بو طرز دانیشیق ایسلام جیمهوریسی نین و اونون باسقی اورقانلاری نین دانیشیق طرزیدیر. بو آذربایجانیمیزین دوشمنلرینی سئویندیره ن بیر حرکتدیر.

بونودا خاطیرلاتماق یئرینده اولارکی، آذربایجان دولتی اوز دولتیمیزدیر. تئهران رئژینی کیمی ایرقچی ایشغالجی و جینایتکار یاد بیر دولت دئییلدیر. او دوولت بوتوو آذربایجان میللتینی تمثیل ائنمکده دیر. بو دوولته منسوب اولان بایراق، جیمهوررئییسی، میللی مجلیسی و اوردوسو بوتوو آذربایجانیندیر. اونلاری قوروماق مسئولیت داشییان هر بیر آذربایجانلی نین وظیفه سیدیر.

سئویندیریجی دیرکی، باشقا آذربایجان تشکیلاتلاری دا بو حاقدا مثبت شکیلده اوز گوروشلرینی بیلدیرمیشلر. چونکی وطن، میللت منافعی اورتایا گلدیکده سن ـ من اولا بیلمه ز. دئموکراتیک اولکه لرده اولدوغو کیمی، بیر آغیزدان دانیشمامیز گره کیر. طبیعی اولاراق هر دوولت و حوکومتین آخساق طرفلری اولا بیله ر. دئموکراتیک قایدا قرارلارا گوره مدنی ، نزاکتلی شکیلده، اونلاری تنقید ائتمک، دوزه لیش یوللارینی گوسترمک طبیعی ساییلیر. دونیانین دئموکراتیک اولکه لرینده اولدوغو کیمی، دانیشیقدا رسمی فاکتلارا ـ سندلره دایانمالی، خوش نییتلی اولمالیدیر. بئله اولمادیقدا بو تنقید یوخ، تخریباتچیلیق ساییلیر. بو و یاخیلان تهمتلر حقوقی جهتده ن جرم حساب اولونور، بونا کیمسه نین حاقی یوخدور .

بورادا بیر فاکتیدا علاوه ائتمک لازیمدیر . قوزئی آذربایجانیمیز اوز مستقیللی یینی الده ائتمیشدیر. بوگون قوزئی آذربایجاندا حاکمییتده اولمایان( موخالیفت ) و حاکمییته جان آتان فیرقه لر (پارتیلار) و شخصیتلر موجوددور. اونلار مدنی و دئموکراتیک ایستانداردیلارا دایاناراق، اوز دولت قورملاریندا اولان آخساقلیقلاری تنقید ائده بیلرلر. بو اونلارین ایشیدیر. بوگون بیز گونئی آذربایجانلیلارین وظیفه سی دئییلدیر. . .

بیزیم اساس آنا دوشمنیمیز ایرقچی، فوندامئنتنالیست،ایشغالچی تئهران رئژیمی دیر. بوگون ایران دئییله ن یئرده و منطقه میزده آغیر بیر شراییط موجوددور. هر آن باش وئره جک اولقولارـ حادیثه لر مومکوندور. بو قالماقالدان چیخیش یوللارینی آختاریب ، سونماق یئرینه، افکار عمومینی باشقا سمته چئویرمک، نیفاغا ایختیافلارا، واختسیزدارتیشمالارا سبب اولاجاقدیر. بو آذربایجانینیزین دوشمنلرینی سئویندیره ن بیر ایشدیر. ان موهومو ایشغالچی تئهران رئژیمینه خیدمت ساییلیر.

بیزه گوره بوگون بوتون میللی قووه لر ایستیقلال و آزادلیغیمیزی الده ائتمک اوچون بیر یوموروق کیمی بیر اولمالی دیر . بو موفقیتیمیزین ، باشاریمیزین رمزی ساییلی .

واحید مستقیل آذربایجان جبهه سی

گونئی آزربایجان میللی یول تشکیلاتی

۳۱.۰۷.۲۰۱۹

خورداد قیامی‌

۱۳۸۵ – جی ایلین اردیبهشت آیی‌نین ۲۲ – سینده «ایران» قزئتینده تورکلر علیهینه چَکیلَن توهینلی کاریکاتورا اعتراض اوْلاراق ۸ گون سوْنرا و خورداد آیی‌نین بیرینجی گونو، تبریز شهرینده، گنج اؤیرنجیلردن توتدو دانشگاه اوستادی، معلّیم، ایشچی، تاجیر و عادی کسبه‌یه قَدَر یوز مین‌لرله اینسان ، تبریز خیابانلاریندا توپلوم و مدنی اعتراضا ال آتاراق «ایران» گونده‌لیگینده، اوتانمادان و حیاسیز‌جاسینا میلیونلارلا تورک اینسانینا سرت حورمتسیزلیگی قیناییب اؤلکه مسئوللارینا و بوتون دونیایا اعتراضلارینی بیلدیردیلر.

تبریز اهالیسی‌نین شدتلی اعتراضیندان سوْنرا ، اورومیه‌لیلر، اوْندان سوْنرا «سولدوز» (نقده)، قوشاچای، زنجان، خیاوْ، موُغان ، اردبیل و آذربایجانین باشقا شهرلری و‌ حتّا تهراندا یاشایان تورکلر بو عمومی اعتراضا قوشولاراق آذربایجان میلّتینه توهین ائدَنلره و شوونیستی دوشونجه‌نی «ایران» قزئتی یولو ایله یایانلارا اؤز غضب‌لرینی گؤستردیلر.

تأسّف‌لر ‌اوْلسون آذربایجانلیلارین بئله مدنی اعتراضلارینا و قانونی ایستَک‌لرینه گؤزله‌نیلمَز سرت جاوابلار وئریلدی و اوْنلارین مدنی اعتراضلاری گؤزله‌نیلمز اولایلارا چئوریلدی!

۱۳۸۵– جی ایلین خورداد آییندا آذربایجان شهرلرینده‌کی اعتراضلار گؤستردی کی، آذربایجانلیلار اؤز حقلرینی دریندن دوشونَرکن، بو حقلرین تاپدالانماسینا و تورکلرین نسبی اکثریت اوْلوب اقلیّت حقوقوندان محروم قالماسینا بی‌تفاوت قالماغی و اوْنلارین هویّت و شخصیت‌لرینه توهین ائدَنلری جاوابسیز قویماغی جایز گؤرمورلر.

خوردادین بیرینجی گونوندن باشلایاراق یئددی‌سینه قَدَر و آردیجیل داوام ائدَن آذربایجان شهرلری‌نین اعتراضلارینی، یالنیز دؤلت اورگانی ساییلان «ایران» قزئتینده گئدَ‌ن حورمتسیزلیگه قارشی اعتراض آدلاندیرارساق، یانیلمیش اولاریق؛ بلکه بو گئنیش اعتراضی، اوُزون ایللر و مختلیف یوللارلا اوْ جُمله‌دن رادیو– تئلویزیون، مطبوعات، سینما، تیاتر، درسی و غیر درسی کیتابلار، رسمی – غیر رسمی چیخیشلار و باشقا جمعی ارتباط وسیله‌لری ایله آذربایجان میلّتی علیهینه اوْلان تحقیر و توهینلر نتیجه‌سینده آذربایجانلیلارین بوغازلاریندان قالخان نیفرت پوسکورتوسو آدلاندیرساق داها دوزگون دئمیش اولاریق .

خورداد حادثه‌سی گؤستردی کی، آذربایجانلیلار دؤزوملو اینسان اولارکَن، اوْنلارین دؤزوملری‌نین حدّی– حدودو وار، اوْنلارین دؤزوم کاسالاری داشارسا اوندا داها اوْنلارین قاباغینی آلماق چتین‌دیر.

خورداد حادثه‌سی بیر داها ثابت ائتدی ایراندا بیرلیک یاراتماغا سِحر و جادو ائتمک لازم‌ دئییل، بلکه ایران آدلانان اؤلکه‌ده یاشایان میلّت‌لرین دیل، مدنیّت، شخصیت و هویّت‌لرینه حورمت‌سیزلیک ائتمک یئرینه اوْنلارا سایغی و احترام گؤزو‌یله باخماق و اوْنلارین فرهنگی، مدنی، اقتصادی، اجتماعی حقلرینی اوْنلارا چاتدیرماقلا حقیقی بیرلیک و اتحاد یاراتماق مومکون‌دور.

دونیا دیللری ایله مقایسه‌ده ،دونیانین ان قانونلو دیللریندن اولان و دونیانین بیر چوْخ بیلیم یوردلاریندا تدریس اوْلان تورک دیلیمیز، نه‌دن اؤز اؤلکه‌میزده ان آزینلیق (اقلیت) ساییلان ارمنی دیلی قَدَرده تدریس و تحصیل اولما حقّینه مالیک دئیلدیر؟

بو اؤلکه‌ده هر بیر امکانی ،یالنیز فارس دیلی اختیاریندا قویماقلا و هر بیر امتیازی یالنیز فارس آدینا ثبت ائتمکله حقیقی و گئرچک بیرلیگه و اتحادا چاتماق اولارمی؟

.

بو اؤلکه‌ده رادیو– تئلویزیوندا عاغیلا گَلمَز کیچیک موضوعلار باره‌ده میزگرد، کمیسیون، کونفرانس و سئمینار قورولور، لاکین مملکت‌ده بؤیوک بیر درد اوْلان میلّی مسئله‌نین حلّی اوچون و آنایاسانین ۱۵– جی ماده‌سی‌نین اجراسی اوچون ایکی نفرین میز آرخاسیندا اوتوروب دانیشماسی‌نین‌دا شاهیدی اولمامیشیق!

تهران شهرینده یئددی تئلویزیون کانالیندان نئچه‌سی بو شهرین ان آزی یاری جمعیتی‌نی تشکیل ائدَن تورکلرین دیلینده برنامه یاییر؟

هانسی تئلویزیون سریاللاریندا تورک لهجه‌سی ایله دانیشان آدامی سوپورگه‌چی، حامبال، اجتماعی رفتاری بیلمه‌ین، یوْخسول و کوت بئیین یوخ، فیلسوف ، پروفسور، دوکتور، مهندس و یوکسک مدنیّتلّی و یوخاری سویه‌لی شخصیّت رول‌لاردا گؤستریرلر؟ مگر بو اؤلکه‌ده تورک فیلسوفو ، تورک پروفسورو ، تورک محققی ، تورک مهندسی ، تورک دوکتورو و یوکسک مدنیتلی تورک اینسانی یوخدورمو ؟

آذربایجان اوستانلاری‌نین رادیو– تئلویزیونلاریندا نه‌دن برنامه‌لرین ۸۵% فارسجا و قالان ۱۵%ی ده اوزدن ایراق «فاذری!» دیلینده گئدیر؟ مگر آذربایجان شهرلری نین، چوْخ آز سایدا بعضی نظامی و دؤلت آداملاریندان باشقا ، فارس دیللی ساکینلری‌ده وار؟

نه‌دن درسی و غیر درسی کیتابلاردا تورک سؤزو و تورک آدینا حورمتسیزلیک و توهین ایله یاناشیرلار و نه‌‌دن آذربایجان اهالیسی آللاه بخش ائتمیش گؤزل طبیعته مالیک اوْلاراق، بو منطقه‌ده ایش مرکزلری‌نین یارانماماسیندان و اقتصادی دورومون آغیرلیغیندان عالی تحصیل آلمیش جاوانلاریندان توتدو عادی اینسانلارینا قَدَر ایش تاپماقدا اصفهان، شیراز، یزد، کرمان، مازندران و باشقا فارس دیللی شهرلرین یولوندا دیدرگین و سرگردان اولمالی‌دیر؟

نه‌دن نسبی اکثریته مالیک اوْلان و ایراندا یاشایان تورکلر،‌ حتّا ابتدایی مکتب‌لرده اؤز دیلینده درس اوخوماقدان محروم قالدیغی حالدا فارس دیلینی خارجه‌لیلره اؤیرتمک اوچون اجنبی اؤلکه‌لرین اؤیرنجی‌لرینه مملکت بودجه‌سیندن بورسیه وئریر و فارس دیلینی اؤیرتمه‌یه تشویق ائدیرلر و هر ایل فارس دیلی‌نین انکیشافینا گؤره مختلیف سئمینارلار و توپلانتی‌لار قورولور و آغیر هزینه‌لرله خارجی قوناقلاری بو سئمینار و توپلانتیلارا دعوت ائدیرلر؟

(خلیج فارس) آدینی بعضی خارجی منبع‌لر ‌(عرب خلیجی) یازدیقدا بوتون قوه‌لر ‌بو منبع علیهینه یوْلا دوشور و بوتون دؤلتی و غیر دؤلتی امکانلار «خلیج فارس» آدینی تثبیت ائتمکده گئجه– گوندوز چالیشیرلار لاکین همان زاماندا، اورومیه دریاچه‌سی آدالاری‌نین ( جزیره‌لری‌نین ) تورک آدلارینی، فارسی آدلا دگیشدیرمه‌یه جاندان– باشدان کئچیرلر!

بونلار و یوز‌لرله بونا اوخشار علت‌لر ‌آذربایجان اهالیسینی ۱۳۸۵– جی ایلین خورداد آییندا ایران قزئتی‌نین تورکلره ائتدیگی توهینی ایله خیابانلارا چکدی.