آزربایجان میلی حرکتینین بیر سیرا قورولوش و تشکیلاتلارینین عراقداکی رفراندوم و کرکوک اولایلاری ایله باغلی اورتاق بیلدیریسی

۲۰۱۷/۹/۲۵ تاریخینده عراقین قوزئی بولگه سینده بارزانی عشیره سی، باغلی اولدوغو گوجلرین فرمانی ایله سوزده “کورد
میللتینین أوز مقددراتینی تعیین ائتمه” آدی آلتیندا نه یازیق کی یئنی بیر قانلی اویونو باشلاتدی!

بیز هئچ بیر میللتین اوز مقددراتینی تعیین ائدیب، یادلارین اسارتینده ن قورتولماسینا قارشی دئیلیک، بلکه تام ترسینه گونئی آزربایجان تورکلری اولاراق، ایرقچی بیر سیستمین ایشغالی و آسیمیلاسیون سیاستی آلتیندا اولدوغوموز و أوز مقددراتیمیزی تعیین ائتمه حاققی الیمیزدن زور ایله آلیندیغی اوچون هر کسدن داها چوخ بو حاقلارین قدرینی بیلیر، ساوونماقداییق! آمما گوروندوغو کیمی بارزانی و کورد سیلاحلی قوه لری، آرخالارینداکی گوجلره اینانیب و دایاناراق کورد میللتینین حاقلاری نی ساوونماق آدی آلتیندا باشقا میللت لرین تاریخی توپراقلارینی صاحب لئنمک ایله بولگه میزی یئنی بیر چاتیشما و سوی قیریملارین باشلاماسینا آپارماقدادیرلار.

بارزانی و یانداشلاری گئرچک اوزلرینی و گیزلی پیلانلارینی کرکوک شهرینی ایشغال و او شهرین نفوس اداره سینی اودا چکمک، شهرده چادیرلار قوروب کورد عشیره لرین تورک شهرینه سیستماتیک اولاراق یئرلشدیرمک و شهرین زامان ایچینده دئموگرافیسینی دئییشدیرمک ایله گوسترمیشلر. وورغولاماغی گرکیر نه یازیق کی بو چیرکین سیاست ایللر اونجه پهلوی و سونرا ایران ایسلام جمهورییتی-نده باتی آزربایجاندا دا تجروبه ائدیلمیشدیر.

بو سوزده رئفراندوم دونمینده، کورد تروریست قروپلاری ایله بیرلیکده عراق کوردوستان سوروملولاری نین آددا بویوک کوردیستان! خریطه سینی رسمی اولاراق قوللانمالاری و باتی آزربایجان شهرلرینی کوردیستان آدلاندیرمالاری بو قانلی سئناریونون خبرجیسی دیر. و نه یازیق کی بو سئناریو ساده جه بیزه قارشی دئییل، یاخین بیر گله جک ده داها جیددی شکیلده بولگه ده کی أولکه لر و میللتلره قارشی آتیلان پیلانلی بیر آدیمدیر.

بارزانی و یانداشلارینین تورپاق ادعالاری، اونلاری سوروملو بیر قوه اولاراق یوخ بلکه سورون یاراتان بیر قوه کیمی و باشقالارینین ماشاسی اولدوقلارینی گوستردی. بو سورومسوز داورانیش کوردلره أوزگورلوک، رفاه، دئموکراسی و باشقا میللت لر ایله یاخشی مناسیبت یاراتماق یئرینه اونلاری قونشو دولت و میللت لری ایله جدی سورونو اولان و خاریجی قوه لرین فرمانی ایله هر آن بحران یاراتا بیلن بیرمیللت کیمی گوستردی!

بیز گونئی آزربایجان تشکیلاتلاری و سیویل توپلوم قورولوشلاری، شدت ایله بو چیرکین پیلان و قانلی سئناریونو قیناییر، بوتون پرده آرخاسیندا اولان قووره لر-دولتلر و اونلارین اراده سیز ماشالارینا اعلان ائدیریک:

۱-آزربایجان تورک میللتی تاریخ بویو آذربایجان توپراقلارینا کوچه ن پناهسیز اینسانلارا او جومله دن گونئی آزربایجانین باتی بولگه سینه مهاجرت ائدن کوردلره یاردیم ائتمیشدیر، اما کورد میللتینه منسوب اولان اورگوت و چه ته لر تورک میللتی نین بو انسانی یاخلاشیمی نی فرصت بیلیب، آزربایجان توپراقلارینا قارشی چیرکین ادعالار ائدیب دوشمانچیلیق ائتمیشلر. بیز بو چیرکین سیاست و یالانجیل توپراق ایددیعالاری قیناییر، قارشیسیندا بوتون گوجوموزله دایانیر، یئنیدن وورغولاییریق، ان بویوک شرف وطنی سئومک دیر، اوغروندا اولمکدیر. توپراقدان پای اولماز.

۲- ترورچی قوه لرین سالدیریسی و بولگه میزده حضورسوزلوق یاراتماسینا شبهه سیز هئچ بیر آزربایجانلی سس سیز قالماز و قالمییاجاقدیر. ایندیسه مدنی موباریزه، آما گرکیرسه بوتون یوللارایله وطن توپراقلارینی قوروماغا حاضیریق.

۳- گوجوموزو داها جیددی شکیلده گوسترمک و توپراقلاریمیزا قارشی اولان موجادیله ده غالیب گلمک اوچون سیاسی تشکیلاتلار و میللی فعاللار بیرلیکده اولوب، بیرلیکده حرکت ائتمه لیدیرلر.

۴- بیر خورداد قیامی، ۱۸ آبان قیامی و باشقا ائیلملر، آزربایجان تورک میللتی نین اراده گوجونو دفعه لرجه گوسترمیشدیر. آزربایجان تورک میللتی تاریخدن درس آلاراق، نه اولورسا اولسون، توپراقیندان واز کئچمه ییر کیمسه یه پای وئرمه یه جکدیر.

۵-گونئی آزربایجان تورک لری روسیه و دیگر دولت لرین یاردیمیلا قوزئی آزربایجانین ایشغال اولماسی و سونرا مللتیمیزین اراده و ایسته گی اولمادان آزربایجانیمیزین تاریخی اراضی لرینده قوندارما ائرمنیستان دولتینین یارانماسی نی دیققته آلاراق، ایران ایرقچی رئژیم و اونون آرخاسیندا اولان قوه لری بیر داها اویاریریق تورک میللتی نین تاریخی اراضی لرینده اوزللیکله گونئی آذربایجان دا تروریست چته لرین قوندارما دولت یاراتمالارینا کسینلیکله موساعیده ائتمه ییر، بوتون وارلیغیمیزلا وطنی ساوونماغا حاضیریق.

یاشاسین تورک میللتی

یاشاسین آزربایجان

کرکوک تورکوندور، تورک قالاجاق

ايمضالار: (ایمضالار عرب آلفابتی ترتیبی ایله دیر)

۱- آذربایجان اؤیرنجی حرکتی – آذوح (جنبش دانشجویی آزربایجان)

۲- آزربایجان میلی دیرنیش تشکیلاتی – آ‌م‌دت (تشکیلات مقاومت ملی آزربایجان)

۳- دونیا آذربایجانلیلاری کونقره سی – داک (کنگره آذربایجانی های جهان)

۴- گونئی آذربایجان استقلال پارتیسی – گ‌آی‌پ (حزب استقلال آذربایجان جنوبی)

۵- گونئی آذربایجان انسان حاقلاری شوراسی – آمریکا بیرلشمیش شتاتلاری (شورای حقوق بشر آذربایجان جنوبی – ایالات متحده آمریکا)

۶- گونئی آذربایجان انسان حاقلاری مرکزی (مرکز حقوق بشر آذربایجان جنوبی)

۷- گونئی آذربایجان دمکرات پارتیسی – گ‌آدپ (حزب دمکرات آذربایجان جنوبی)

۸-گونئی آزربایجان دموکراتیک تورک بیرلیگی – گادتب (اتحادیه دمکراتیک ترک آزربایجان جنوبی)

۹- گونئی آذربایجان سوسیال دمکرات پارتیسی (حزب سوسیال دمکرات آذربایجان جنوبی)

۱۰- گونئی آذربایجان قورتولوش پارتیسی (حزب رهایی آذربایجان جنوبی)

۱۱- گونئی آذربایجان لیبرال دمکرات پارتیسی-گالدپ (حزب لیبرال دمکرات آذربایجان جنوبی)

۱۲- گونئی آذربایجان میلی یول تشکیلاتی