دونیا آزربایجانلیلارین بیربیک و هم رای لیک گونو

هم رای لیک گونو

آزربایجان تاريخ بويو شرفله. غئيرتله . غرورلا ياشاميش، ۷۵۰۰ا يلليك تاريخينده آلچاقليغا- عداليسيزلی يه باش ايمه ميش.. آزادليق و عدالت اوچون ساواشميش . باشقا ميللتلره احترام گوزو ايله باخیب . كيمسه ني تحقير ائتمه ميش . اوز توپراقلاریندا ياشايان ميللتلره حورمتله ياناشمیش . اونلارين وارليقلارينی ، ديللرينی ، عنعنه لرينی يوخ ائتمه یب . عكسینه گوز به به يي كيمی قوروموشدور.
۱۹۰ ايلدن به ری وطنیمیزین تاریخین ، دیلین و داها دوغرو وارليغينی محو ائتمک ایستین چیخارجی دولتلر و اونلارین اویونجاغی اولان فارس – روس شوونيست مستملكه چي لری یوردوموزو تيكه – پارچا ائده ره ك اوز ايچينده اريتمه ، يعنی فارسلاشديرماغا – روسلاشديرماغا چاليشميش و چاليشماقدايدرلار.
وطنیمیزین روس ایشغالی آلتیندا اولان بولومو تاریخی بیرفرصتی دوزگون ده ییرلندیریب و چوخلو فداکارلیقلار و قوربانلار وئرديكده ن سونرا اوز مستقیللیگینی الده ائتمیشدیر،
بیلیندیغی کیمی ایشغالچی تئهران رئژیمی وطنيميزين بوتوولويونو و طبيعی سرحدلرينی بولمكله داغيتميشدير. وطنيميز هر آچیدان پیلانلی اولاراق بير خرابايا چئویریب ،وارليغيميزی ، ديليميزی ، كولتوروموزو ، وار يوخوموزو يوخ ائتمك سياستی آپارير.
قوزئی آزربایجانین ایستقلالی، ائله جه ده ، دونیادا هیزلا اوز مستقیلیک لرینه قووشان میللتلر، بیزیم میللی قورتولوش ساواشیمیزا اورنک( میثال) و یولوموزا ایشق ساچدیقی اوچون بو گون میللی قورتولوش مجادیله میز هیزلا قورتولوشونا یاخلاشیر.
بیز گونئی آذربایجان میللی یول تشکیلاتی اولاراق میللتیمیزی بو مقدس ساواشیندا یالنیز قویمایب و جانیمیز باهاسینا یانیندا اولاجاغیمیزا آند ایچیریک!
ده یه رلی (قیمتلی) آذربایجان تشکیلاتلاری بوگون (هم رای لیک) بیرلیک و برابرلیگ زامانیدیر. دونیادا و خصوصیله بولگه میزده کی حادیثه لر بیزی داها دا بیربیریمیزه یاخلاشدیریب، کیچیک اختلافلاری آزربایجانیمیزین میللی چیخارلاری( منافعلری) اوچون بیریانا قویوب ، تک سس و یومروق اولما زامانیدیر ، اونودماماق لازیمدیرکی ، آزادلیق وئریلمه ز، آلینیر. بیزیم دوشمنیمیزین نه قدر حیله کار، وحشی و ایرقچی (راسیست ) اولسادا ، واختی گلدیکده هر شئیی قدرت ده قالماق اوچون ساتماغا حاضیر اولان بیر رئژیم اولدوغونو یاخشی بیلیریک،
بونو بیلمه لیک کی اوز ایچیمیزده بیرلشمک اولمازسا، نه دوشمنه قالیب گله بیله ریک ، نه ده بئین الخالق ایجتماعییت طرفینده ن دستک قازانما ایمکانیمز واردیر.

چالیشالیم کی ، تاریخ بیزی وطن سئوه رلیک له آنسین ( یاد ائتسین)
گوج بیرلیکده دیر!
یاشاسین آذربایجان! قهر اولسون وطنیمیزه گوز تیکن مستملکه چی راسیست لر!
یاشاسین دونیا آزربایجانلیلارینین بیربیک و هم رای لیک لری