Milli Yol Azadlıq, Reifah, İstiqlaliyyətdədir,استقلالییت
چاغداش دوشونجه طرزی اولان اینسان حاقلاری و خصوصیله قادین ، و اوشاق حاقلارینی تانیییب و قورونماسی اوستونده قورولموشدور.
یعنی بیر توپلوم و یا کیچیک بیرگروبون نه قده ر چاغداش اولماسینی، اونون سوزده یوخ عملده قادینا و اوشاغا باخیش و داورانیشی ایله اولچمک مومکوندور. تورک میللتی و خصوصیله آزربایجان میللتی اوز شانلی تاریخینده و کئچمیشده ن قالان یازیلی اثرلرینده هر زامان قادین و اوشاق مسأله لرینه بویوک یئر وئردیی نین شاهیدی اولوروق. بو ساده جه دونیادا باشیمیزی دیک توتاجاق آز ساییلی میللت لردن بیری سایلیریق .
خصوصیله قادین حاقلاری ساحه سینده فخر ائدیجی بیر کئچمیشه صاحیب اولموشوق. .آزربایجان تورک قادینی ایستر سیاسی لیدرلیک ، ایسته رسه ده علم؛ صنعت ، اقتصاد ساحه سینده کیشیلردن دالیدا قالمامیشلار. حتا آزادلیق اوغروندا مجادیله لرده ده کیشیلر ایله چیین چیینه ساواشیب ، اون صف لرده یئر آلمیشلار. بو تاریخی حقیقتلردیر. . باشقا میللت لرین شاه اثرلرینده قادینا ساده جه جینسی ، عیش ـ نوش ،ائیلنمک آچیسیندان باخیلدیغی حالدا ، بیزیم اولکه ده قدیم تاریخینده قادینلاریمیز اولکه اداره جیلی یینی اللرینده توتموشلار. و سونرالیقدادا شاهلارا یون ـ جهت وئره ن شخصیلر اولموشلار. .گولزار خانیم کیمیلر ساواشلارا اونجولوک ائدیب ، اوخ آتیب قیلینج ویریب ، آت قوشدورموشلار .حتا ۱۹۱۷ ده قوزئی دئموکراتیک آذربایجان جمهورییتینده ،، و ۱۳۲۴ ده میللی حوکومت دوورونده پارلئمئنتودا و اوردو ـ امنیت بیرکیکلرینده ایشتیراک ائنمیشلر. بیزده بوگونکو معنادا حجاب، و قادینا دار باخیشلی لیق اولمامیشدیر. آزربایجانین قادین شاعیرلری پروین کیمی شاهلاری وصف ائدیب زر کیسه لرینه طالب اولمایبلار. عکسینه امکچی لیک شعر لری یارادان ،زینب پاشالار کیمی میللتینین یانیندا اولوبلار، چاغ دیشی اولان دوسداقلاردا و دار آغاچ لاری قاباغیندا اییلمه دن ،آزادلیق باغیران قادینلاریمیز ین وارلیغینا ایفتیخار ائتمه لی ییک . باشقا میللتلردن فارقلی اولاراق بیز قادینلاریمیزی حیات یولداشی آدلاندیرمیشیق . اونلاری کیشیلرله عین سوییه ده گورموشوک . بو گوروشو ایران آدلانان یئرده کیلره ده وئرمه یه چالیشمیشیق . ائله بونون نتیجه سینده حتا ایرانچی تشکیلانلارین باشیندادا مسئولیت داشییان تورک خانیملاری گورمک موکوندور. !
بونو هرکس بیلیر کی او نلار حورمت اوچون بو سوییه یه گه لیب چیخمامیشلار. عکسینه قویدوقلاری امک ، مجادیله و گوروش و دوشونجه سوییه لری نتیجه سینده او موقعی الده ائتمه یه حق قازانمیشلار. بو برابر حقوقلولوغو قوزئی آزربایجانیمیزین بوتون ساحه لرینده ده گورمک مومکوندور. نه یازیق کی ، بو گون دوشمن پیلانلی بیر شکیلده میللی حرکتی اوز ایرتیجاعی گوروشو ایله آنلاتاراق اونو اوزولشدیرمه یه چالیشیر. ائله بونا گوره ده بعضی لری اوزلری بیلمه دن یالنیش ایفاده لری و داورانیشلاری ایله میللی حرکتی ، قادین( اوشاق) حاقلاریندان آیری توتماغا چالیشیرلار! حال بوکی میللی حرکتین ماهییتی اولکه میز آزربایجانی ایشغالدان ،میللتیمیزی ایسارتده ن قورتاریب آزادـ برابر حوقوقلارا مالیک ، و انسان حاقلارینا دایالی بیر سیستم یاراتماقدیر. : قورتولوش مجادیله سینده دیل ـ توپراق طبیعی اولاراق خصوصی بیر یئره مالیک اولسادا ، بیزیم آنا هدف و مقصدیمیز بو دیلده دانیشان میللی اراضیمیزده یاشایان بوتون انسانلارین قورخوسوز آزاد یاشامالارینی ،آزادلیق و حقوقلارینی قازانماقدیر ، ائله بونا گوره دیرکی ، میللی یول ،قادین برابرلی یی نین ، اوشاق حاقلاری نین، چئوره محیطین و اکولو ژونون قوروجوسو ومدافعه چیسی دیر. هئچ بیر شبهه میز یوخدورکی ، بو یولدا مجادیله ائده ن یولداشلاریمیز دا عین فیکیر و دوشونجه لره مالیکدیرلر ، سیزلرین بو آپاردیغینیز آزادلیق مجادیله سی نین داها وئریملی اولوب ، هدفه چاتماسی اوچون، سیزین کیمی دوشونن سویداشلارینیز طرفینده ن قورولان و برابرلیک قایدالارینا اینانان بو قوروما قاتیلیب ، دستکله مه نیزی آرزو ائدیریک .بو قوروم آزاد وطن ، آزاد انسان ، حقوق توپلومونو یاراتماق اوچوندور.
یاشاسین مستقیل آزربایجان !
یاشاسین انسان حاقلاری!
یاشاسین قادین ، کیشی برابر حقوقلولوغو !
- جزوه – مبارزه و قیام