BIGtheme.net http://bigtheme.net/ecommerce/opencart OpenCart Templates
Ana Yaprak / Slideshows_ / گونئي آذربايجان ايستيقلالچيلار بيرليگينين ائرمني، جيلو و کوردلرين گونئي آذربايجاندا تؤرتديگي سويقيريملا باغلي بيلديريشي

گونئي آذربايجان ايستيقلالچيلار بيرليگينين ائرمني، جيلو و کوردلرين گونئي آذربايجاندا تؤرتديگي سويقيريملا باغلي بيلديريشي


ائرمنيلرين آذربايجان تورکونه قارشي تؤرتديگي ان دهشتلي سويقيريم گونئي آذربايجاندا تؤره‌ديليب. ائرمنيلر جيلو آدلانان آيسورلار و کوردلرله بيرليکده گونئي آذربايجاندا اييرمينجی عصرين ان دهشتلي سويقيريميني تؤره‌ديبلر.
1918-جي ايلده ائرمنيلر تورکلرين ياشاديغي عوثمانلي دؤولتينين شرق حيصه سي و بوتؤو آذربايجان (گونئي و قوزئي آذربايجان) اراضيسينده يوز مينلرله تورکو سويقيريما معروض قويوبلار. بوندا مقصد ايسه خزر دنيزي ساحيللريندن قوزئي و گونئي آذربايجان اراضيسينين بؤيوک حيصه سيني، ائله جه ده شرقي آنادولونو احاطه ائتمکله قارا دنيز و آراليق دنيزلري ساحيللرينه‌دک اوزانان بؤيوک بير اراضيده ائرمنيلره دنيزدن دنيزه “بؤيوک ائرمنيستان” ياراتماق ايدي. لاکين بو اراضيلر آذربايجان و تورکيه اراضيسي اولدوغو اوچون بورادا ياشايان اهالي ده تورکلردن عيبارت ايدي. بو اراضينين يالنيز چوخ آز حيصه سينه آز سايدا ائرمني، آيسور و کورد کؤچمکده ایدی. اونا گؤره ده بورادا ياشايان آذربايجان تورکلرينی قيرماق و نتيجه‌ده دئموقرافيک دگيشيکلييه نايل اولماقلا ائرمنيلره و يا اونلارلا بيرله شن آيسور و کوردلره دؤولت قورماغا رئال شرايط ياراتماغا چاليشديلار. بونون نتيجه‌سينده ايسه شرقي آنادولو و آذربايجان اراضيلرينده تورکلره قارشي سويقيريم تؤره‌ديلدي.
ائرمنيلر سويقيريم تؤرتمه پلانلارينين ايجراسي ايستيقامتينده غرب و روسيانين يارديمي ايله آيسورلارلا بيرليکده بيرلشميش ائرمني-آيسور سيلاحلي دسته‌لريني ياراداندان سونرا کوردلري ده اؤزلرينه بيرلشديرمگي قارشييا مقصد قويدولار. لاکين کورد دسته‌لري اونلارا بيرلشمسه‌لر ده، همين کوردلرين باشچيسي ايسماعيل آغا سيميتگو آيريجا گونئي آذربايجاندا سويقيريم و غارت تؤرتمکدن علاوه آذربايجان تورکلرينين ائرمني- آيسور سيلاحلي دسته‌لري طرفيندن تؤره‌ديلن سويقيريميندا دا منفي رول اويناميشدير. او اؤزونون تؤرتديگي قتل و غارتدن علاوه بيرلشميش ائرمني-آيسور سيلاحلي دسته سينين باشچيلاريندان بيري اولان بنیامین مارشيمونو 1918-جي ايلين مارت آييندا اؤلدورمکله آذربايجان تورکلرينين ائرمنی و آیسورلار طرفيندن قيصاص مقصديله داها کسکين قتل عام ائديلمه‌سينه سبب اولموشدور.
آذربايجانا هوجوم ائدن و آذربايجان اراضيلرينه گؤز تيکن ائرمنيلر، آيسورلار و کوردلر تکجه اييرمينجی عصرين بيرينجي ياريسيندا گونئي آذربايجانين غرب بؤلگه‌سينده (اورميه، سالماس، خوي، سولدوز و ماکيدا) 300 ميندن آرتيق گوناهسيز آذربايجان تورکونو سويقيريما معروض قويدولار. تکجه بيرلشميش ائرمني-آيسور سيلاحلي دسته‌لري قاجار دؤولتينين ياراتديغي کوميسسييانين رسمي استاتيستيکاسينا گؤره 200 مينه‌دک آذربايجان تورکونو 1918-جي ايلده جيلولوق فاجيعه سي چرچيوه‌سينده سويقيريما معروض قويدولار. گونئی آذربایجانلا عینی زاماندا شمالی آذربایجانین مختلیف بؤلگه لرینده، او جمله دن باکی، قوبا، شاماخی، نخجوان و دیگر بؤلگه لرده ده ائرمنی لر آذربایجان تورکلرینی سویقیریما معروض قویدولار.
بو گون يئنه ده آذربايجان تورکونه قارشي سويقيريم و آذربايجان اراضيلرينين باشقا خالقلارا وئريلمه‌سي مسئله سي گوندمده‌ دير. بو دفعه ايشغالچي فارس حاکيميتي مقصدلي شکيلده گونئي آذربايجانين غرب بؤلگه‌سيني کوردلشديرمک و آذربايجان تورکلريني کوردلر واسيطه‌سيله يئنيدن داها دهشتلي سويقيريما معروض قويماقلا بو بؤلگه‌ني آذربايجاندان آييريب، کوردلره وئرمگي قارشييا مقصد قويوب. آرتيق غربي آذربايجان بؤلگه‌سينين کوردوستانلاشديريلماسي عيرقچي فارس حاکيميتي طرفيندن ايجرا ائديلمکده‌دير.
گونئي آذربايجان ايستيقلالچيلار بيرليگي اولاراق، آذربايجان تورک ميللتيني، خوصوصيله غربي آذربايجان ويلايتينده ياشايان ميلتيميزی اوياق اولماغا و عيرقچي فارس حاکيميتينين موهاجير کوردلرله بيرليکده يئنيدن تورکه قارشي سويقيريم تؤرتمه‌لري و آذربايجانين بو بؤلگه‌سيني کوردلره وئرمه پلانلاريني پوچا چيخارماغا چاغيريريق. بو ايستيقامتده داها موتشکّيل اولماق و قاباقلاييجي تدبيرلر حياتا کئچيرمک آرتيق بير ضرورتدير و گونئي آذربايجان ايستيقلالچيلار بيرليگي ده بو ايستيقامتده اؤز خالقينين معنافعيي اوغروندا چاليشماقدادير. گونئي آذربايجانين ايستيقلالي و آزادليغيني ايسته‌ين هر کسي گونئي آذربايجان ايستيقلالچي تشکیلاتلار بيرليگي اطرافيندا بيرلشمه‌يه و آذربایجان تورک میللتینین دوشمنلرینین اییرنج پلانلارینی پوچا چیخارماغا چاغيريريق.

گونئي آذربايجان ايستيقلالچيلار بيرليگي