22 May Milli Qiyam günüdür

Güney Azerbaycan yüz ile yaxındır ki İran-Fars rejiminin işqalı altındadır. 1920lerin başlanqıcından, Türk Qacar imperatorluğunun çoküşünden buyana, İran adlanan siyasi coğrafiyada yaşayan 30 milyonu aşqın Türk nufusu hala İran-Fars eritme siyasetinin altında aradan getmekdedir.

Ağır sistematik Farslaşdırma siyaseti, İran’ın başqa iyaletlerine zorunlu göçler, Türk milliliderlerini yox etme, başqaldıranları zindanlarda çürütme, topluöldürmeler, sürgünler, bilincli yanıq topraqlar siyasetini yürütmekle yanısıra, Urmu Gölü’nü qurudaraq, Güney Azerbaycan topraqlarını sistematik olaraq çolleşdirme, Güney Azerbaycan’ı değişik adlarla küçük iyaletlere bölmek, Azerbaycan adını topraqdan götürmek, Türk adlarını dağlardan, çaylardan, şeherlerden, xiyabanlardan götürüb Farslaşdırmaq, ve her türlü insan zıddı olan Türk düşmanlığı zülümler hala, ve hala devam edir… 57 il Pehlevi şahları devrinde, ve 33il sözde islam sözdecumhuriyeti devrinde, Güney Azerbaycan’ı veTürk milletini yox etmek, devam etmekdedir.

Bu uzun işqal altında yoxluğa sürüklenen illerde, her zaman, Güney Azerbayan’ın her yerindedeğişik türlerde ve değişik adlarlabaşqaldırılar olmuşdur. Ancaq bütün başqaldırılar Fars-İran rejimi celladlari eli ile öz qanında boğulmuşdur. Güney Azerbaycan Türkünün sesi dünyada bir yere yetişmeyince, heç bir Türk ülkesinden yardım olmayınca, esartde yaşayan Türkler, Türksüzleşince, geçmiş 90 ilde milyonlar Türk yox olub aradan gedmişdir. Dünyanın çox milleti gelişdikce, çağımızda, Güney Azerbaycan Türkü get gede bütün varlığından yoxsunlaşıb, bir millet olaraq, bir Türk olaraq hızla yoxluğa sürüklenmekdedir.

Yazıqlar olsun ki, Doğu Türküstan’da Uyqur Türkleri ve Güney Azerbaycan Türkleri Çin ve Rus siyasetleri ile ve Fars uşaqlığıyla sallaxlığa götürülende, 7 Bağımsız Türk ülkesinin en güclüsü olan Türkiye devleti ve idareci hakimiyetleri, görmemezlikden gelmişler. Türkiye medyasının durumu daha vehimdir. Türkiye medyası, qazetleri, TV’leri ve haber ajansları, Türklükden başqa ve Türk’den başqa hemen hemen her şeyi savunmaqda bir biriyle yarışdadırlar. Ele buna göredir ki, çağımızda Güney Azerbaycan Türkünün mezlumiyet sesi qulaqlara aşina değil, ve kimse dünyanın en mezlum milletinin yardımına qoşmur. Türkiye devleti, Atatürkün qurduğu düzenden ve gösterdiği yoldan uzaqlaşdıqca, Türk milletinin, her yerde olur olsun, alın yazısı ve durumu, İraq Türkmenlerinden, Rus işqalındaki Türklerden, veya Güney Azerbaycan Türkünden daha yaxçı olmayacaqdır.

İran işqalçılığına qarşı, 2006 ilinin May ayının 22sinde, 8 il önce, Güney Azerbaycan Türkü bir daha ayağa qalxdı, ve zülme tehqire ve Farslaşdırmağa qarşı, milyonlarca xiyabanlara döküldü. İran’ın terorist Pasdaran ve Besic gücü Polis ve Ordu ile birlike minleri tutuqlayıb, işkence altında aldılar. Xiyabanda qurşunlanan genclerimiz, işkence altında ölenlerimiz, ve minler sürgüne çıxanlarımız oldu. Yüzminler ailelerin evleri ve işyerleri gencleri başqaldırıya qatılmasınlar diye rehin alındı. Ancaq bir gerçek var ki, hem Güney Azerbaycan Türkü, hem de İran-Fars işqalçıları çox yaxçı bilirler, o da bu ki, Güney Azerbaycan Türkü heç zaman ve heç zamanİran’lılaşmağı ve Farslaşmağıqebul etmeyecekdir. Ona göre de, zülüm varsa, işqal varsa, başqaldırı da, qiyam da devam edecekdir. Bu tarixin cebri ve gereyidir.

Ona göredir ki, İran’ın terorist rejimi Güney Azerbaycan’ı nizami gözeti altında tutur, ve hala be’zileri aclıq orucunda olan, minler insan heqleri çalışanı, milli ve medeni heqleri savunanları zindanlarda tutur, ve neftin milyardlar pulu ile, medyada, basında, TV’de, qazetlerde, menberlerde, resmi eğitimde öğretimde ağır düzeyde Türk düşmanlığını yayır. İran’ın hem dış ve hem iç siyaseti İrançılıq, Farsçılıq ve Şiilik üzerine qurulduğuna göre, her zaman Türk düşmanı olmuş ve Türk düşmanı da qalacaqdır. Bir Türk olaraq, dünyanın her yerinde yaşayır olursaq, işqal altında can cekişinde olan, esaretde yaşayan Türkü ve özellike Güney Azerbaycan Türkünün sesini her kese her yerde duyurmalıyıq, ve İran-Fars şeytani düzenini ifşa edib qınamalıyıq.