چاغیریش

نه ائتمه لی ییکـ
حورمتلی وطنداشلار !

منطقه میزده اولان گلیشمه لر، آمئریکادا حاکمییت ده ییشمه سی، ایران دئییله ن یئرده سوزده سئچگیلر ، عراق ، سورییه و تورکییه ده باش وئره ن اولوشوملار، بیز گونئی آذربایجانلیلاری دوشوندورمکده دیر. چونکی بو گلیشمه لر میللت و وطنیمیز اوچون تهلوکه خبری وئرمکده دیرلر. آتالاریمیز سوزو ایله دئسک ، قونشودا یانقین اولورسا، اودو گلمه سه ،قورو گه لر دئمیشلر. تاسوفله بئله گورولورکی، اودونون گلمه سی ائحتمالی چوخدور.بئله بیر دورومدا وطنی دوشونن، مسئولییت حیس ائده ن هر بیر آذربایجانلی، فیکیر ، گوروش و سلیقه فرقلیکلرینی بیر یانا قویوب ، بیر گیرده میز اطرافیندا اوتوروب ، گوزله نیلن تهلوکه نی و وطنین طالعینی دارتیشیب ، گوتور ـ قوی ائتمه لری و نتیجه سینی خالقیمیزا بیلدیرمه لری تاریخی وظیفه ساییلیر. بو مسئولییتی درک ائده ره ک آندا، قوروم و تشکیلات ، شخصی دویقولار ایکینجی مرحله ده یئر آلمالیدیر.
بونا گوره ده، بیز فیکیر، سلیقه و گوروشلری نظره آلمادان مسئولییت حیس ائده ن هر بیر آذرباجانلینی بو « نه ائتمه لی ییک » ده ییرمی (گیرده) میز دارتیشماسینا دعوت ائدیریک . بو تاریخه قده ر ایشتیراک ائدیب ـ ائتمه مه لرینی بیلدیرمه لرینی ریجا ائدیریک.

چاغیریش کومیته سی