BIGtheme.net http://bigtheme.net/ecommerce/opencart OpenCart Templates
Ana Yaprak / Slideshows_ / ۱مهر ، مکتب لرین آچیلیشی مناسیبتی ایله اورتاق بیلدیری!

۱مهر ، مکتب لرین آچیلیشی مناسیبتی ایله اورتاق بیلدیری!

ديرلي آزربايجان تورک ميللتي:
قاجار ايمپئراتورلوغون اينگيليز’لرين فيتنه‌سي ايله چؤکدورولوب پهلويلري ‘’مماليک محروسه’’يه حاکيم قيلديقدان بري، ايران آدلي بير ميلت بير دؤولت ياراتماق سيياسئتي ايله غئيري
فارس ميلتلره قارشي سيستئملي اريتمه (آسيميلياسييا) سيياستي تطبيق اولونموشدور.
90 ايلي آشقيندير کي فارسلاشديرما سيياستي يورودولمکده و بو سيياست ايران رئژيمينين آيريلماز کاراکتئرينه چئوريليميشدير. حتّي داها دا چيپلاق عيرقچيليک فورماسي تاپميشدير.
ائله کي بو گون ايران رئژيمي آچيق آيدين لهجه‌سي اولانلارا قارشي قانون قبول ائديب و تکجه فارس ديلي دئييل، بلکه فارس’ين لهجه سينده تحميل ائتمه‌يه چاليشير.
گئچميش 90 ايلده ميلتيميزين ديره‌نيشي فارسلاشديرما و اريتمه سيياستيني آخساديب، زامان زامان عوصيان و اينقلابلارا حتّي ميللي دؤولتيميزين يئنيدن قورولماسينا گتيريب چيخارسا دا، نه يازيق کي فارسلاشديرما ايندي ده داوام ائتمکده‌دير.
گونئي آذربايجاندا آنا ديليميز تورکجه ياساقلانيب مکتبلرده اوشاقلاريميز فارسلاشديريلير. بئله‌ليکله ياد کولتورونو باسقي ايله گونئي آزئربايجان تورکونه تحميل ائده‌رک اؤولادلاريميز اؤزوندن
بيگانه له شيب و فارس ائکسئنلي تک دؤولت تک ميلت ياراتماغا چاليشيلير.
بو کولتورل قتل عاما و ايستئمارا قارشي ديرنمک هر آزربايجانلينين ميللي و ويجداني بورجودور.
بيز بو بياناتي ايمضالايان تشکيلاتلارعزيز ميلتيميزه موراجيعت ائديريک؛ کولتورئل قتل و عاما اعتيراض اولاراق گونئي آزربايجاندا مکتبلرين آچيليش گونونو هر بير آزربايجانلي سیویل ایطاعتسیزلیک چرچیوسینده اعتیراضلارینی بیلدیرسینلر.
تورک ديلينده مدرسه، ان دوغال حاقيميزدير.
ياشاسين آذربايجان تورک ميلتي،
ايمضالار: (ایمضالار عرب الفابتی ترتیبی ایله دیر)
۱- آذربایجان اؤیرنجی حرکتی – آذوح (جنبش دانشجویی آزربایجان)
۲- آزربایجان میلی دیرنیش تشکیلاتی – آ‌م‌دت (تشکیلات مقاومت ملی آزربایجان)
۳- دونیا آذربایجانلیلاری کونقره سی – داک (کنگره آذربایجانی های جهان)
۴- گونئی آذربایجان استقلال پارتیسی – گ‌آی‌پ (حزب استقلال آذربایجان جنوبی)
۵- گونئی آذربایجان انسان حاقلاری شوراسی – آمریکا بیرلشمیش شتاتلاری (شورای حقوق بشر آذربایجان جنوبی – ایالات متحده آمریکا)
۶- گونئی آذربایجان انسان حاقلاری مرکزی (مرکز حقوق بشر آذربایجان جنوبی)
۷- گونئی آذربایجان دمکرات پارتیسی – گ‌آدپ (حزب دمکرات آذربایجان جنوبی)
۸-گونئی آزربایجان دموکراتیک تورک بیرلیگی – گادتب (اتحادیه دمکراتیک ترک آزربایجان جنوبی)
۹- گونئی آذربایجان سوسیال دمکرات پارتیسی (حزب سوسیال دمکرات آذربایجان جنوبی)
۱۰- گونئی آذربایجان قورتولوش پارتیسی (حزب رهایی آذربایجان جنوبی)
۱۱- گونئی آذربایجان لیبرال دمکرات پارتیسی (حزب لیبرال دمکرات آذربایجان جنوبی)
۱۲- میلی یول تشکیلاتی