بیر مای قهرمان آزربایجان تورک ایشچیلرینین ایرقچی – ایشغالچی رئژیمین سیاستینه دوردئمه گونودور!

گونئی آزربایجان میللی یول تشکیلاتی بیر مای ایشچیلرین سومورو سیستمینه باش قالدیرما و جانلاری باهاسینا امک حاقلارینی قورویوب ظفر قازانمالارینین ایل دونومونو، بوتون امک چیله ر و آزادلیق اوغروندا چالیشانلارا ، اوزللیک ایله گونئی آزربایجاندا هم امه یی و هم وارلیغی دانیلان ایشچیله ریمیزه تبریک دئیب و اینانیریق میللی قورتولوشوموز، اونلارین فداکارلیقلاری ایله نهائی آماجینا چاناجاقدیر.
هر زامان اولدوغو کیمی ،گونئی آزربایجان ایشچی لری، اجتماعی عدالتسیزلیک و توپلومدا اولان اولایلارا لا قید قالماییب و ایشغالچی -دیکتاتور رئژیمه قارشی مجادیله ائتمیشلر.
ارتجاع و فاشیست سیستمه قارشی ،غیر فارس میللت لر ،اوز میللی کیملیک لرینین قورونما مجادیله سینین ،یانیندا صنفی ایستک لرین ده دیله گئتیرمیش لر
رئژیم اربابلارینین سیاستلرینی اویقولاماق و بولگه ده ایسته نیلن حضورسوزلوغو یاراتماق اوچون غیر فارس بولگه لرده ن چالینان میلیارلار دولار میللی سرمایه و ایشچیلریمیزین حاقلارینی ،استیلاچی سیاستی ایله عراق، سوریه ، لوبنان ، یمن ، بحرین و… ده مصرف ائدیب ویا یاراتدیغی مافیا دولتی طرفیندن پان ایرانیست سیستمی قوروماق اوچون هزینه ائدیر
آرتیق بو سیستمه دور دئمه و ایشغالا سون وئرمه زامانی دیر. گونئی آزربایجان میللی یول تشکیلاتی، بوتون اجتماعی حرکتلر و اوزللیک ایله ایشچیله ریمیزین اعتراضلارینین نهائی آماجی اولان ایستقلالیت و اجتماعی عدالته چاتماسی اوچون هر زامان اونلارین یانیندا اولمانی اوزونه میللی وظیفه اولاراق گورورب و بو حرکتلری میللی ایستقامتده اولماسینا چالیشاجاقدیر.
قورتولوش نتیجه سینده تاریخی و ابدی آزربایجان توپراقلاریندا قورولان، گونئی آزربایجان دئموکراتیک جمهورییتی، ایرقچیلیغا قارشی ، مستقیللیک و میللی ایستک لر اوستونه قورولدوغو اوچون ، اولکه نین تمل داشی اولان ایشچیلرینه شبهه سیز لایقی اولدوغو حقلرینی ساغلاماق ایله مکلف اولاجاق.
میللی یول ،گونئی آزربایجاندا چاغداش، گئلیشمیش ، اجتماعی عدالته دایالی ، قادین و اوشاق حوقوقلارینین قورونماسی و بیر آنلامدا حقوق دولتی اوچون مجادیله ائدیر و بو آغیر مسئولییتی بوتون صنفلارین آکتیو قاتیلماسی ایله ممکون گورور،
شبهه سیزمیللتینین مستقیلل وآزاد یاشاماسی اوچون جانلارینی فدا ائدن میللی مبارزلر، یاراتدیقلاری آزاد و مستقیل آنا وطنیمیزده ، هئچ بیز زامان عدالتسیز بیر دوزنین یارانماسینا ایجازه وئرمزلر.

یاشاسین بیرمای ایشچی بایرامی !
وار اولسون مستقیل گونئی آزربایجان جمهورییتی