خوجالی سوی قيريمی

شبهه سیز، بشریت تاريخينده بو آمانسيز و غدار سوی قيريم ، ائرمنیلر و اونلاری حمایت ائده ن دولت لرین اوز قاراسی اولاراق ثبت اولونموشدور!
چیخارجی دولت لر، اوزون مدتلی پیلانلاری اساسیندا، ائرمنی جانیلری، ماشا اولاراق قوللانمیشلار، عثمانلی اراضی لرینده کی جنایت لر، ایسته نیلن نتیجه یه چاتماینجا، باشقا تورک جغرافیاسیندا ، چیرکین پیلانلارین یئنی دن حیاتا کئچیرمه یه چالیشدیلار!
گونئی آزربایجانین باتیسیندا (غربینده)اون مینلرجه آزربایجان تورکونو قتل ائدیب و آرزولارین حیاتا کئچیرمه نی دوشونوکن تورک اردوسونون ،سویداشلارینین فریادینا لاقید قالماماسی اونلاری بیر داها دالی آدیم آتمایا مجبور ائتدی !
قورئی آزربایجاندا ایسه، روس ایرقچیلارینین حمایه و یاشیل ایشیق یاخماسی ایله چوخ سایدا سوی قیرم و مجبوری گوچ لر باش وئرمیش ،
بو سلسله جنایت لرینین دوامیندا ،۱۹۹۲-جی ايل فئورالين ۲۶ دا ائرمنیلر، خوجالی شهرینده ۶۱۳ معصوم انسانیمیزی وحشیجه سینه قتل ائدیلیب، ۱۰۰۰ نفر دينج ساکين ( سویل ) آلديقلاری یارالار نتیجه سینده عليل اولوب. ۱۰۶ نفر قادين، ۶۳ اوشاق، ۷۰ قوجا اولدورولوب و ۱۲۷۵ نفر دينج اسیر دوشموش!
ائرمنیلرین یاراتدیغی بو وحشت و ایشله تیلن سیلاحلار، ژنو پروتوکوللاری و ب م ت قانونلارینا ضيد و دونیا مدیالارینین گوزو قاباغیندا اولماسینا باخمییاراق قاتیللر و ائلجه ده، اوهانيان، سارکيسيان ،روبئرت کوچريان و ديگرلری باش وئرميش سويقيريمين مسبب لری کيمی بين الخالق محکمه قارشيسينا چیخاریلمالارینا ، چیخارجی دولت لر مانع اولورلار!
بوگون کورد استیلاچی چه ته لر ایله تاکتیکی!؟ اتفاق قورانلار، اونلاری سورون اولماقدان چیخاردیب متفق گورنلر ، صاباح یارانان قتل عاملار قارشیسندا مسئول دورلار، تاریخه قیسا بیر گوز آتیب ، ائرمنی و کورد ایستیلاچیلارینین، فیکیر ، آماج و آرخالارینداکی مشترک قوه لرین کیملر اولدوقلارینی گورمک او قدهر ده زور دئیلدیر.
آزربایجانین، بیر داها سوی قیریم ، اشغال واستیلایه معروض قالماماسی اوچون، بوتون تشکیلات و قوروملارین میللی منافع و اوزون وعده لی پیلانلار اساسیندا حرکت ائتمه لری گئره کیر، اوز باشینالیق ، آنی و منفعت اوزه ره آلینان قرار و قیسا وعده لی چیخارلاراوچون استراتژیمیزی خطره سالماق، وطن ومیللتیمیز اوچون جبرانی اولونمایان ضررلر وئره بیلیر.
خوجالی سوی قیریمین اونوتمادیق ، اونوتدورمایاجاییق!
یاشاسین قورتولوش مبارزه میز!
۲۴.۰۲.۲۰۱۹