یئنی گون، باهار بایرامینیز مبارک اولسون

یئنی گون، باهار بایرامینی تورک دونیاسینا و اوزللیک له ایشغال آلتیندا اولان گونئی آزربایجان تورک میللتیمیزه تبریک دئییر و امید ائدیریک، یئنی ایلده میللی قورتولوش مجادیله میز، ایچ و دیش قایناقلی سورونلاری آتلاتاراق ایرقچی –ایشغالچی رئژیم و ایستیلاچی چه ته لره قارشی بویوک باشاریلار الده ائتسین.
قهرمان آزربایجان تورک میللتی ، میللی فعالار :
۱۳۹۷ ده ،چیخارجی دولت لر بیر یاندان چوکموش و مشروعییتینی تمامی ایله ائتیرمیش ایرقچی رئژیمی گیزلی شکیلده حمایت ائدیرکن ، یاراتدیقلاری آلترناتیولری تست آماجلی اورتایا آتاراق توپلومون رئاکساسین اولچدولر، نه یازیق کی میللی حرکت ایچیندن ده بو چیرکین پروژه لره دستک وئره نلر اولدی، اوته یاندان غیر فارس میللت لرو اوزللیک ایله گونئی آزربایجان میللی حرکاتی، تاریخدن درس آلاراق بوتون بو چیرکین پیلانلاری بوشا چیخارداراق ایران آدلانان یئرده ان مهم فاکتور اولماسینی هر کسه گوستردی.
گلین یئنی گون، باهار بایرامدا قوتسال داوامیز اوچون :
– میللی منافع میزی شخصی وتشکیلاتلارین اوستونده توتالیم.
– باتی (غربی ) آزربایجانین سورونلارینی فیکیراوتاغی یاراتاراق گونده مه آلیب، ایستیلاچیلارین پیلانلارینی ترسینه چئویره ک.
– سیاسی محبوسلاریمیزی ، هانسی طیف دن اولورسا اولسون صاحیب لنیب و صبرلی عائله لرینه دستک اولالیم.
– میللی حرکتین انسانی آماج و ایستک لرینی میدانلاردا سسلندیره لیم.
– بوتون اعتراضی حرکتلره قاتیلاراق صنفی ایستک لرین نهائی چوزومونون مستقیل دئموکراتیک گونئی آزربایجان جمهورییتینده اولدوغونو آنلاتالیم.
– اوشاقلاریمیزا آنا دیللرینین اورنمه لرینه یاردیمجی اولالیم.
– اوزلیک له باتی آزربایجاندا هر نه بهاسینا اولورسا – اولسون توپراقلاریمیزا صاحیب چیخیب یادلارا ساتمایالیم.
– باتی آزربایجانا کوچمک ایسته یه ن سویداشلاریمیزا و سرمایه یاتیرانلارا دستک وئره لیم.
– هر بیر آدیم آتارکن اصلی دوشمن و اونون آرخاسینداکی گوچلری اونوتمایالیم.

یاشاسین میللی قورتولوش مجادیله میز

گونئی آزربایجان میللی یول تشکیلاتی
۲۰.۰۳.۲۰۱۹