ایکی نکته

ایکی نکته

۱-آزربایجان تورک میلتینین ۱۸ آبان دا اولان اعتراضی حرکتینی عمومی قیام لا ترسه توتماماق گره ک. عمومی قیامدا اؤلکه نین و میلتین طالعیی و کؤک ده ییشیم لر آماجلانار. آما اعتراضی بیر حرکتده موردی قونولار آماج سئچیرلر. و او موردی قونو یا قونولارا اعتراض اولونار. حتی اعتراضدا اولا بیلر موردی آما کؤک بیر قونو اولسون، آما هر حالدا کؤکدن ده ییشمک هدفی اولماز. اولا بیلسین زامان سوره سینده بو اعتراضلار عمومی بیر قیاما چئوریلیب و میلتین طالعیی نین ده ییشیمی ایله ده سونوجلانسین، آما بیلمک لازیم دیر، اعتراضی بیر حرکت باشلانیش بیر نقطه دیر، سونوج نقطه سی دئییل. بونا گوره ده ۱۸ آبان اعتراض حرکتینین الده ائتدییی نتیجه ایله عمومی بیر قیامدان آلیناجاق سونوجون الده ائتدیکلرینی قاریشدیرماق یا مقایسه ائتمک یالنیش دیر.
۲-آزربایجان میلی حرکتی گئنیش چاپلی بیر حرکت دیر. دوزدور بو حرکت چرچیوه سینده و میلی فعاللار ایچینده تمل اولاراق بیر چوخ اورتاق توافقی قونو لار واردیر. آما آزربایجان میلی حرکتینی پارتییا و پارتییا یا حاکیم اولان، آماج، پرئنسیب و دیسیپلین له ترسه توتماق و پارتییا دان گؤزلنیلن لری میلی حرکتدن گؤزله مک چوخ بؤیوک یالنیش اولار. حرکت اورتاق زمینده اوزلاشی اساسیندا فعالیت دیر، آما پارتییا واحید بیر قورولوش چرچیوه سینده بیرگه و دیسیپلینلی فعالیت دیر. ائله بونا گؤره ده نه قدر کی پارتییا چرچیوه سینده واحید گؤروش حاکیم دیر؛ حرکت ایچینده ائله او اؤلچوده فرقلی گؤروشلر وار و فرقلی داورانیش بیچیملری ده یئر آلماقدادیر . میلی حرکتدن، میلی بیر پارتییا داورانیشینی گؤزله مک سیاسی باخیمدان بؤیوک یالنیش و ناشی لیق علامتی دیر.