BIGtheme.net http://bigtheme.net/ecommerce/opencart OpenCart Templates
Ana Yaprak / سندلر / یازیلار / دوشمن قورخویا دوشوب

دوشمن قورخویا دوشوب

دوشمن قورخویا دوشوب

دوننه دک آسارام، کسرم، دئین فارس_ایران فاشیزمی آرتیق گئری آددیم آتاراق، آزربایجان تورک میلتینه یالتاقلانماغا چالیشیر. چونکی دوشمن یاخشی باشا دوشوب کی :”ائل گوجو، سئل گوجو “دور. آما هر شئیه تای بونلارین گئری آددیم آتمالاری دا فارس سایاغی دیر. هم گئری آددیم آتیرلار هم ده یئنه تهدید ائدیرلر. بو ایسه” بیر آددیم ایره لی ،ایکی آددیم گئری “تاکتیکاسینی اینساندا چاغریشدیریر. ائله بونلارین بئله داورانیشلاری بونو گؤسترمک ده دیر کی، بونلار یالنیز قورخوبلار، تنبیه اولماییب لار. چونکی بونلار یالنیشلارینی بیلسه لر و فاشیزم ایدئولوژی سینی بیر کنارا بوراخسالار، آرتیق قاباقکی کیمی آغا سایاغی یاشایا بیلمزلر. بونلارین منفعتی ایجاب ائدیر کی باشقا میلت لری و توپلوملاری سؤمورگه حالیندا ساخلاییب و اؤزلرینی هر زامان حاکیم و آغا گؤرسون لر. بیز ایسه بونلارین بوگونکی گئری چکیلمه لرینی یالنیش آلغیلامالی ییق. دوشمن ائله قاباقکی ذهنیت و فاشیزم ایدئولوژی سینده واردیر، و اونلارین ماهیتینده هئچ نه ده ییشیک لیک یارانماییب. و فرصت تاپسالار اولکیندن داها بتر آزربایجانا ظولم ائده جکلر. چونکی ظولم ائتمک ظالمین هم ماهیتینی همده داورانیش بیچیمینی اولوشدوروب، بیچیملندیریر.
تورک میلتینین اعتیراضینی دا یالنیز بیر تئلئویزیون وئرلیشینه ده ائندیرگه مک یالنیش دیر. اعتراض ظولمه، ایشغالا، تالانا، شوونیزمه، فاشیزمه و سیستئماتیک اولاراق بیزیم تورک /آزربایجان کیملییمیزی محو ائتمه یه دیر.
بو گون دوشمن قورخویا دوشوب آما صاباح اسکی تاس، اسکی حمام شرایطی ادامه تاپاجاق. بیزلره ایسه بو یارانان شورو، میلت ایچینده شعورا چئویرمک بیر گؤره و دیر. همده اؤنملی و حیاتی بیر گؤره ودیر . بئله حادیثه لر میلی درک و شعورو توپلومدا هم گئنیش لندیرمک، هم یایماق همده قالارغی ائتمک اوچون بؤیوک بیر فرصت دیر. اونوتمایاق دوشمن قورخوب آما هله لیک دائمی اولاراق مغلوب اولماییب.