BIGtheme.net http://bigtheme.net/ecommerce/opencart OpenCart Templates
Ana Yaprak / رویدادهای تاریخی / ۲۱آذر / 21 آذر دالغاسی …

21 آذر دالغاسی …

21 آذر ، ملي حکومت چئرچيوه سينده ،گونئي آزربايجان تورک ميللتي نين ميللي يولونون يئني بير باشلانقيچي ساييلير.

گونئي آزربايجان تورک ميللتي و توپراقلاري ، چيخاريجي دولت لر و گؤجلر طرفيندن ايستيعمارا معروض قالاندان سونرا ، بير پارا گيزلي و گيزملي اويونلار اساسيندا پارچا پارچا پارچالانميش و اونون ايکي بؤيوک حيصه سي زور ايله روس و فارس اساسلي حاکميت لرين ايستيلاسينا معروض قالدي.

سورتوروجو (فرسايشي) سياست لر واسيطه سي ايله ، تورک ميللتي نين دوشونجه سي ، اينانجلاري ، کئچميشي ، ديلي و کولتورو تاپدالانميش و دئيشيک بير فورما دا و ائيره تي (تقلبي و بدلي) بير آد و کيمليک آلتيندا سرگيلنميشدير !

ايچ وارليق گؤجه داياناراق چوخ سايلي ديره نيش ، مقاومت و مبارزه لر او زاماندان بري تورک ميللتي نين اولادلاري طرفيندن ساغلانميشدي. شيمالي بؤلگه ده روس امپريال دوروندن و اونون آرديندان سووئت لر دورونده و گونئي بؤلگه سينده قاجار امپريالين سون چاغلاري و آرديندان پهلوي سلاله سي و موللالار حکومتي زمانيندادا ، بو گؤنه قدر بو چالخالانما و ديرچه ليش لر باش توتمش و يئني لئشمک دوام الييبدير.

محمد امين رسولزاده نين دولتچيليک دوشونجه سي و اونون برپا اله ديغي بايراق دان گؤج و الهام آلاراق ، قوزئي ده سووئت لرين چؤکمه سي زمانيندا ، آزربايجان تورک ميللتي ، روس يؤنه تيمي الينده اولان ايشغال اولدوغو توپراقلارينين بير قيسمين آزاد و اله آلماقدان سونرا «آزربايجان جمهوريتي»ن برپا ائتمه گه نائيل و موفق اولدو .

لاکين گونئي ده ، آزربايجان تورک ميللتي نين آنني نين يازي سي باشقا بير شکيلده يازيلميشدير.

ايسارتي قبوللانان و ساختا آذري کيمليگي قبول اليين مانقورت لارين ساييسينا باخماياراق ، گونئي آزربايجان تورک ميللتي آريا محور قوندارما کيمليک مفکوره سي قارشي سيندا هر زمان فرصت تاپميش کن ، کندي اعتراض ين اعلام اتميش دير ولي بونا باخماياراق ، نه يازيق کي بو گونه قدر ايستيلاچي و ايشقالچي حاکميت لر موفق اولوبلار کي تورک ميللتي نين ديرچه ليشيلرينين تماماً ، باسقي آلتيندا سوسدورسونلار.

  • مرامنامه (تشکیلات راه ملی آزربایجان جنوبی)
  • قیام بیست و نهم بهمن
  • قیام ملت تورک آزربایجان جنوبی
  • موشک پرانی داعش آریایی و شادمانی زودهنگام کاسه لیسان رژیم
  • هجوم به قلب تهران
  • واژه گزینی سیاسی

21 آذر 1324ده ، دئموکرات فرقه سي نين تدبيرلري اساسيندا تورک ميللتي نين وارليق نغمه لري تکرار سسلنديريلدي و «آزربايجان ميللي حکومتي» نين چاتي سي آليتندا يئني دونيا سل حاکيميت فورماسيندا ، تورک دولتچيليگي گؤنئي ين بير قيسم توپراقلاريندا بير سنه بويونجا برپا اولوندو. لاکين دونيانين يئني نيظام و سوپر گوج دولتلرين آنلاشمالاري اساسيندا ، تورک ميلتينين گؤنئي ده باش توتان دولتچيليگي بير فديه و بخشش اولاراق ، باتي يا بئلي باغلي اولان پهلوي آريا محور مرکزي حکومته پاي وئريلدي. سونراسي 25 آذر 1325ده بؤيوک بير سوي قيريم و جنايت گونئي آزربايجان تورک ميللتي عليه اينه باش توتدو. او سوي قيريم نان سونرا ، بير ايل بويونجا گؤنئي آزربايجانين آزاد اولان توپراقلاري و اسارت آلتيندان چيخان اولوسو ، تکرار فارس-آريا محور حاکيميتين ايستيلاسي آلتيندا قالماغا مجبور قالدي.

ايشغالچي رژيم طرفيندن 21 آذر تورک ميللتينه عاييد اولان ميللي افتخار واقعه سي ، ديزاين اولونموش سناريولار اساسيندا چالينيب و تحريف اولدو . 25 آذرده تورک ميللتين قانلي قتل عامي و سويقيريمين ، جايديريب و توجيه اتماق ايچون ، شنليک گيبي قوتلاديلار و «آزربايجانين قورتولوشو» آدلانديريب و مانقورتلاريميزا تانيتديرميشلار!

نه يازيق کي قوندارما آد و کيمليکه اويوب و اويان مانقورت لار بو باطيل سؤزلري ده جيددي توتاراق الي قانلي دوشمانلارينين يالانلارين اينانميشلار و اونلارين کناريندا يئر آلميشلار.

هر کس اونوتموش کي ، اولو اؤنجو جعفر پيشه وري و فرقه منسوب لاري و فدايي لري و دئموکرات فرقه بير سياسي تشکيلات اولاراق ، کندي ايمکانلاري حددينده تام سعي و تلاشين اله ميشديلر ، و تأسف کي چيرکين سياست قوراللاري اساسيندا و توزاق لار و باسقي لار سببي ايله ، تهراندا مستقر اولان شونيست فارس حاکميتين قارشيسيندا هزيمت و شکسته معروض قاليب و گئري چکيلميش اولا بيليرلر ، ولي اونوتمامالييق کي تورک آنلايشلي و آزربايجان محورلي تورک قهرمانلاريمز* يئترينجه ، سون نفس و سون قورشون لارينا قدر ايشقالچي لارين قاباغيندا دايانيب و قانلاري ايله تاريخين ايفتخارلي صحيفه لريندن بيرين يازديلار و تورک ميللتينه بو پيامي تاريخ بويو خاطيرلاتميش اولدولار کي : «21 آذر بير باشلانقيچ ايدي ، نه موتلو بو يولو دوام ائدنلره.»

ملي يول تشکيلاتي
مرکزي کميته

  • فريدون ابراهيمي و فدايي لري ، سومرين فدايي لري ، سرهنگ کبيري و فدايي لري و …